ترکی کی شام کی تقسیم سے متعلق مشکوک سرگرمیوں پر وارننگ

ترکی کی شام کی تقسیم سے متعلق مشکوک سرگرمیوں پر وارننگ

ترکی کے وزیر خارجہ ہاکان فیدان نے شام میں ہونے والی حالیہ پیش رفت پر گہری تشویش کا اظہار کرتے ہوئے کہا ہے کہ کچھ عناصر شام کو تقسیم کرنے کی کوششوں میں مصروف ہیں، اور ترکیہ ان مشکوک تحرکات پر نظر رکھے ہوئے ہے۔

انہوں نے ایک ٹی وی انٹرویو میں بتایا کہ ترکی شمال، جنوب، مشرق اور مغرب شام میں جاری سرگرمیوں کو بغور مانیٹر کر رہا ہے، خاص طور پر صوبہ السویدہ میں دروزی برادری اور مقامی قبائل کے درمیان جھڑپوں کے بعد صورتحال مزید حساس ہو گئی ہے۔

فیدان نے واضح کیا کہ ترکی ہمیشہ متحد شام کا خواہاں رہا ہے، اور وہ موجودہ حالات کا فائدہ اٹھا کر شام کو تقسیم کرنے کی کسی بھی کوشش کی مخالفت کرے گا۔ انہوں نے کہا کہ شام کی سالمیت ترکیہ کی قومی سلامتی کے لیے نہایت اہم ہے۔

انہوں نے الزام عائد کیا کہ بعض قوتیں، جن میں اسرائیل بھی شامل ہے، شام میں استحکام نہیں چاہتیں۔ ان کا کہنا تھا کہ اسرائیلی وزیراعظم نیتن یاہو نے خود اس بات کا اظہار کیا ہے کہ وہ شام میں استحکام کے حق میں نہیں۔