ترکی میں مظاہرہ کرنے والے متعدد افراد گرفتار

🗓️ 30 جون 2021

سچ خبریں:ترکی میں ذرائع نے استنبول میں ایک ریلی میں شرکت کرنے والے کم از کم 15 مظاہرین کی گرفتاری کی اطلاع دی ہے۔
روئٹرزنیوز ایجنسی کی رپورٹ کے مطابق ترکی کے شہر استنبول میں ہونے والی ایک ریلی کے دوران کم از کم 15 افراد کو گرفتار کیا گیا، رپورٹ کے مطابق یہ ریلی استنبول میں ایک بڑی ریلی کے کچھ ہی دن بعد ہوئی جس میں پولیس نے مظاہرین کو منتشر کرنے کے لئے آنسو گیس کا استعمال کیاجس کے نتیجے میں ترکی کی سکیورٹی فورسز کے رد عمل کے خلاف وسیع پیمانے پر احتجاج ہوا۔

واضح رہے کہ ہفتے کے روز بھی استنبول پولیس نے ایک اور احتجاجی ریلی کے دوران متعدد مظاہرین کو حراست میں لیا،قابل ذکر ہے کہ ترکی کے سکیورٹی عہدیداروں نے حالیہ برسوں میں ملک میں ہونے والی ہر طرح کی احتجاجی ریلیوں پر پابندی عائد کردی ہے جس کے بعد اگر کسی بھی شہر میں کوئی ریلی ہوتی ہے تو اس کے خلاف انتظامیہ کی جانب سے شدید ردعمل کا مظاہرہ کیا جاتا ہے۔

یادرہے کہ ماہرین کے نزدیک ترکی میں اس سخت سکیورٹی احکامات تین سال قبل اس ملک میں ہونے والی ناکام بغاوت کے اثرات ہیں جس کے بارے میں ترک حکام کا کہنا ہے اس ملک کے مذہبی رہنما عبداللہ گولن کی سربراہی میں کچھ افراد نے موجودہ حکومت کے خلاف بغاوت کرنے کی کوشش کی جن میں سرکاری محکوموں کے بھی متعدد اہلکار شامل تھے ،یہی وجہ ہے کہ آئے دن ترکی میں وسیع پیمانے پر سرکاری عہداروں کو یہ کہتے ہیں کہ یہ بغاوت میں شامل تھے ،گرفتار کر لیا جاتا ہے۔