سچ خبریں:نیوز ذرائع نے اطلاع دی ہے کہ شائع شدہ اعدادوشمار کے مطابق ترکی اور شام میں آنے والے حالیہ زلزلے کے متاثرین کی تعداد 50 ہزار سے تجاوز کر گئی ہے۔
الجزیرہ چینل کی رپورٹ کے مطابق ترکی کے قدرتی آفات سے نمٹنے کے ادارے نے اعلان کیا ہے کہ اس ملک کے جنوب میں آنے والے حالیہ زلزلے سے مرنے والوں کی تعداد 44218 ہو گئی ہے جبکہ جرمن خبر رساں ادارے نے بتایا ہے کہ شام میں زلزلے کے متاثرین کی تعداد 5 ہزار 900 تک پہنچ گئی ہے۔
ترکی کے ایکسیڈنٹ اینڈ ڈیزاسٹر مینجمنٹ ایجنسی نے بھی اعلان کیا ہے کہ اس ملک میں زلزلے کے آغاز سے اب تک 9136 آفٹر شاکس آچکے ہیں،قبل ازیں اقوام متحدہ نے اعلان کیا تھا کہ شام کے 8.8 ملین افراد اس ملک کے شمال میں آنے والے زلزلے کے نتائج سے متاثر ہوں گے۔
یاد رہے کہ رواں ماہ کے اوائل میں جنوبی ترکی اور شمالی شام کو ریکٹر اسکیل پر 7.8 کی شدت سے آنے والے ایک بڑے زلزلے نے ہلا کر رکھ دیا،اس زلزلے کے دوران کئی عمارتوں کو اس حد تک نقصان پہنچا کہ سرچ اینڈ ریسکیو ٹیمیں آج بھی ملبہ ہٹا کر اس کے تلے دبے افراد کو نکالنے میں مصروف ہیں۔
یاد رہے کہ دنیا کے کئی ممالک نے ترکی اور شام کی حکومت اور عوام کے ساتھ ہمدردی اور یکجہتی کا اظہار کیا جبکہ مغربی ممالک نے شام پر عائد امریکی ظالمانہ پابندیوں میں کوئی نرمی نہیں کی۔
