سچ خبریں:فرانسیسی حکومت کی جانب سے انسانی حقوق کی تنظیموں کی تنقید کو نظر انداز کیے جانے کے بعد ایمنسٹی انٹرنیشنل کے سکریٹری جنرل کا کہنا ہے کہ فرانسیسی حکام کی بن سلمان کی میزبانی اس حقیقت کو تبدیل نہیں کرتی ہے کہ وہ قاتل ہیں۔
فرانسیسی ذرائع ابلاغ کا کہنا ہے کہ اس ملک کے صدر ایمانوئل میکرون محمد بن سلمان کی میزبانی کررہے ہیں اور اس دوران حکومت کی جانب سے اس دعوت نامے کے نامناسب ہونے پر تنقید کو نظر انداز کیا جا رہا ہے،در ایں اثنا ایمنسٹی انٹرنیشنل کے سکرٹری جنرل اگنیس کالمارڈ نے اے ایف پی کو بتایا کہ مجھے جمال خاشقجی اور ان جیسے لوگوں کے ہماری دنیا کے لیے دیے جانے والے پیغام کی وجہ سے اس ملاقات سے بہت دکھ ہوا ہے۔
انہوں نے محمد بن سلمان کو ایک ایسا شخص بھی کہا جو کسی قسم کی مخالفت کو برداشت نہیں کرتا، واضح رہے کہ کیلامر جو خاشقجی کے قتل کے وقت اقوام متحدہ کے خصوصی نمائندے تھے، کہتے ہیں کہ محمد بن سلمان کا فرانس کا دورہ اور دوسری طرف، سعودی عرب میں جو بائیڈن کے ساتھ ان کی ملاقات اس حقیقت کو تبدیل نہیں کرتی کہ وہ ایک قاتل کے علاوہ کچھ بھی نہیں ہیں۔
انہوں نے مزید کہا کہ عالمی رہنماؤں کی جانب سے بن سلمان کو قبول کرنا ان لوگوں کے دوہرے معیار کو ظاہر کرتا ہے اور اس بات پر تشویش کا اظہار کیا کہ تیل کی بڑھتی ہوئی قیمتوں کے باعث انسانی اقدار ختم ہو رہی ہیں۔
