سچ خبریں:امریکہ کے سابق صدر کا کہنا ہے کہ ان کے خلاف عدالتی کاروائی اور متعدد الزامات عاید کیا جانا یوکرین کی ایک کمپنی سے موجودہ صدر کے خاندان کی رشوت خوری سے رائے عامہ کو ہٹانے کی کوشش ہے۔
روئٹرز خبر رساں ادارے کے مطابق 37 الزامات کا سامنا کرنے والے امریکہ کے سابق صدر ڈونلڈ ٹرمپ نے نیو جرسی میں اپنے حامیوں کے ایک اجتماع میں کہا کہ میرے خلاف مقدمات اس لیے عائد کیے جا رہے ہیں تا کہ یوکرین کی توانائی کمپنی سے بائیڈن خاندان کی رشوت ستانی سے عوام کی توجہ ہٹائی جا سکے ۔
انہوں نے اس بارے میں کہا کہ وہ جاسوسی اور حقیقی جرم سے توجہ ہٹانا چاہتے ہیں اس لیے انہوں نے میرے اوپر فرد جرم عائد کی ہے تاکہ یوکرین کی کمپنی سے بائیڈن فیملی کوملنے والی 5 ملین ڈالر کی رشوت کے بارے میں کوئی بات نہ کرے۔
ٹرمپ کے مطابق ان کے خلاف الزامات مکمل سیاسی ہیں جو آنے والے صدارتی انتخابات میں مداخلت اور ایک بار پھر ووٹ اور انتخابی نتائج چرانے کی کوشش ہے۔
ٹرمپ کا خیال ہے کہ جو بائیڈن نے 2020 کا صدارتی انتخاب دھوکہ دہی سے جیتا ہے،امریکہ کے سابق صدر، جن کے خلاف ان دنوں عدالتی دباؤ میں شدت آئی ہے، نے یہ بھی کہا کہ آج ہم اپنے ملک کی تاریخ میں طاقت کے بدترین اور گھناؤنے استعمال کا مشاہدہ کر رہے ہیں اور یہ صورتحال دیکھ کر بہت دکھ ہوتا ہے۔
