ایپسٹین کو کعبہ کا پردہ تحفے میں دینے والا مقدس چیزوں کا دشمن ہے : یمن

سچ خبریں:  یمن کی سپریم پولیٹیکل کونسل کے سربراہ مہدی المشاط نے کہا ہے کہ ریاض کے یہ دعوے کہ یمن مکہ کو نشانہ بنا رہا ہے، اقوام کے جذبات کو متحرک کرنے کی ایک ناکام کوشش ہے۔

انہوں نے زور دیا کہ یمن کی قوم جس طرح مسجد الاقصیٰ کے دفاع کے لیے لڑ رہی ہے، اسی طرح بیت اللہ الحرام کے دفاع کے لیے بھی جان قربان کرنے کے لیے تیار ہے۔

انہوں نے امریکہ میں جیفری ایپسٹین کے بڑے جنسی اسکینڈل کا حوالہ دیتے ہوئے طنزیہ انداز میں کہا کہ وہ شخص جو پوری بے شرمی کے ساتھ کعبہ کا غلاف ایپسٹین جیسے مجرم کے حوالے کرتا ہے، درحقیقت وہی مکہ اور اسلامی مقدسات کی بے حرمتی کر رہا ہے۔

اسی طرح کے اظہار خیال میں، یمن کی انصاراللہ تحریک کے سیاسی دفتر کے رکن محمد البخیتی نے بھی ریاض سے وابستہ میڈیا کی حالیہ تشہیر کے ردعمل میں کہا کہ یمن پر مکہ حملے کا الزام ایک بڑا جھوٹ ہے جسے سعودی حکومت نے اپنی پیہم فوجی شکستوں کو چھپانے کے لیے تراشا ہے۔

البخیتی نے مزاحمت کے فکری نظام میں مکہ، مدینہ اور قدس کے مقام کا حوالہ دیتے ہوئے واضح کیا کہ یمن کی قوم اور حکومت خود کو اسلامی مقدسات کے دفاع میں پیش پیش سمجھتی ہیں۔ یہ منطقی نہیں کہ وہ تحریک جو میدان جنگ میں مسلمانوں کے پہلے قبلہ کو صیہونیوں کے چنگل سے آزاد کرانے کے لیے لڑ رہی ہے، دوسرے قبلہ کی حرمت پر حملہ کرے۔