سلامتی کونسل کی قندھار شیعہ مسجد پر حملے کی مذمت

?️ 16 اکتوبر 2021

سچ خبریں:اقوام متحدہ کی سلامتی کونسل نے افغانستان کے صوبہ قندھار کی بارگاہ فاطمیہ مسجد پر دہشت گردانہ حملے کی مذمت کی ہے اور عالمی برادری سے دہشت گردی کے خلاف لڑنے کا مطالبہ کیا ہے۔

رشیا ٹوڈے کی رپورٹ کے مطابق اقوام متحدہ کی سلامتی کونسل نے افغانستان کے صوبہ قندھار میں ایک شیعہ مسجد پر کل کے حملے کی شدید مذمت کی اور مجرموں کو انصاف کے کٹہرے میں لانے کا مطالبہ کیا، بیان میں کونسل کے ارکان نے واقعے کے متاثرین کے لواحقین سے اظہار تعزیت کیا اور دہشت گردی کو اس کی تمام شکلوں اور اس کے مقاصد کو عالمی برادری کے امن اور استحکام کے لیے اہم خطرہ قرار دیا۔

انہوں نے ان حملوں کے مجرموں منتظمین اور مالی معاونوں کو انصاف کے کٹہرے میں لانے کا بھی مطالبہ کیا اور عالمی برادری کے تمام اراکین سے دہشت گردی کے خلاف اپنی پوری کوشش کرنے کا مطالبہ کیا،واضح رہے کہ قندھار کی بارگاہ فاطمیہ مسجد پر کل جمعہ کو ہونے والا حملہ قندوز کی گذر سیدآباد مسجد پر اسی طرح کے حملے کے ایک ہفتے بعدہوا ہے ہے جبکہ داعش نے دونوں جرائم کی ذمہ داری قبول کی ہے۔

یادرہے کہ کل کے حملے میں 60 سے زائد افرادشہید ہوئے جبکہ زخمیوں کی تعداد دسیوں افراد تک پہنچ گئی،درایں اثنا روسی وزارت خارجہ کی ترجمان ماریا زاخارووا نے اس سے قبل افغانستان کے قندھار میں ایک شیعہ مسجد پر دہشت گردانہ حملے کی مذمت کرتے ہوئے ایک الگ بیان میں مجرموں کو سزا دینے کا مطالبہ کیا تھا۔

دوسری طرف لبنانی حزب اللہ نے ایک بیان جاری کرتے ہوئے دھماکے پر ردعمل ظاہر کرتے ہوئے کہاکہ ایک بار پھر دہشت گرد اور داعش نے وحشیانہ جرم کیا جبکہ اس طرح کے منظم جرائم کے خلاف وسیع اور فوری کارروائی کی ضرورت ہے،حزب اللہ نے مزید کہا کہ امریکہ افغانستان میں قاتلوں کو چھوڑ کر قتل و غارت گری کے ذریعہ اپنی ناکامی کا بدلہ لینا چاہتا ہے۔