علاقائی امن اور استحکام کے لیے تہران اسلام آباد تعاون کا اہم کردار؛پاکستانی فوج کا بیان

?️ 16 اکتوبر 2021

سچ خبریں:پاکستانی فوج نے پاکستانی فوج کے کمانڈر اور اسلامی جمہوریہ ایران کی مسلح افواج کے چیف آف سٹاف کے درمیان ہونے والی ملاقات کےبارے میں ایک سرکاری بیان جاری کرتے ہوئے کہاکہ خطے میں امن اور استحکام کے لیے تہران اور اسلام آباد کے درمیان تعاون بہت ضروری ہے۔
پاکستانی فوج کے شعبہ تعلقات عامہ کی رپورٹ کے مطابق ایران کی مسلح افواج کے چیف آف سٹاف کمانڈر میجر جنرل محمد باقری کی سربراہی میں اسلامی جمہوریہ ایران کے ایک اعلیٰ فوجی وفد نے بدھ کو پاک فوج کے ہیڈ کوارٹرز کا دورہ کیا۔

بیان میں کہا گیاکہ پاکستان کی مسلح افواج کی پریڈ یونٹ نے سینئر ایرانی کمانڈر کا استقبال کیا اور اس کے بعد جنرل باقری اور پاکستانی فوج کے کمانڈر نے ملک کے شہداء کے مزارات پر گلدستے پیش کرتے ہوئے انھیں خراج تحسین پیش کیا۔

پاک فوج کے شعبہ تعلقات عامہ کے بیان میں مزید کہا گیا ہےکہ جنرل باقری اور جنرل قمر جاوید باجوہ کے درمیان ملاقات کے دوران افغانستان کی صورتحال ، علاقائی سلامتی اور بارڈر مینجمنٹ بالخصوص پاکستان ایران سرحد پر باڑ لگانے سمیت مختلف امور پر تبادلہ خیال کیا گیا۔

انہوں نے علاقائی امن کے لیے دفاعی تعاون کو مزید مضبوط بنانے اور دہشت گردی کے رجحان پر مربوط ردعمل پر بھی اتفاق کیا جو دونوں ممالک کا مشترکہ دشمن ہے، پاک فوج کا کہنا ہے کہ اسلامی جمہوریہ ایران اور پاکستان دو برادر ملک ہیں جن کا قریبی تعاون خطے میں امن اور استحکام کے لیے ضروری ہے۔

واضح رہے کہ دوطرفہ ملاقات کے بعد ایران اور پاکستان کے اعلیٰ سطحی وفود کا اجلاس منعقد ہوا جس کی صدارت جنرل باقری اور جنرل باجوہ نے کی، پاکستانی وفد نے ایرانی وفد کو علاقائی سلامتی اور آپریشنل سطح کے جائزے سے آگاہ کیا، اس کے علاوہ پاکستانی فوج کی تربیتی صلاحیتوں کا جائزہ لیا گیا جس میں دوست ممالک کے ساتھ تعاون اور مختلف مشترکہ فوجی مشقیں شامل ہیں۔