ایران کے خلاف پابندیاں برقرار رہیں گی:امریکہ

🗓️ 7 دسمبر 2021

سچ خبریں:امریکی محکمہ خارجہ کے ترجمان نے کہا کہ جب تک ویانا مذاکرات میں ایرانی ایٹمی پروگرام معاہدے کو بحال کرنے کے لیے کوئی معاہدہ نہیں ہو جاتا ،واشنگٹن ایران کے خلاف یکطرفہ پابندیاں برقرار رکھے گا ۔
امریکی محکمہ خارجہ کے ترجمان نیڈ پرائس نے پیر کے روز ایک نیوز کانفرنس میں کہا کہ ویانا مذاکرات میں ایرانی ایٹمی پروگرام کے سلسلہ میں کوئی معاہدہ نہ ہونے کی صورت میں اسلامی جمہوریہ ایران کے خلاف ان کی حکومت کی یکطرفہ پابندیاں برقرار رہیں گی۔

امریکی محکمہ خارجہ کے ترجمان نے نامہ نگاروں کو بتایا کہ ہم نے واضح کر دیا ہے کہ ایران کے خلاف ہماری پابندیاں باقی ہیں اور باقی رہیں گی جب تک کہ ہم ایرانی ایٹمی پروگرام کے سلسلہ میں ہونے والے معاہدے کی پاسداری کے لیے ویانا مذاکرات میں باہمی طور پر متفق نہیں ہو جاتے۔