ایران اور روس کے درمیان تعاون سے صیہونی خوفزدہ

?️ 22 اکتوبر 2022

سچ خبریں:صیہونی حکومت کے وزیراعظم نے ایران اور روس کے درمیان تعاون کو تل ابیب اور دنیا کے لیے خطرہ قرار دیا ۔

مڈل ایسٹ مانیٹر کی رپورٹ کے مطابق صیہونی حکومت کے وزیر اعظم یائر لاپد نے اعلان کیا کہ ایران اور روس کے درمیان تعاون تل ابیب حتیٰ یوکرین، یورپ اور دنیا کے دیگر ممالک کے لیے بھی سنگین خطرہ ہے،رپورٹ کے مطابق اس صہیونی عہدہ دار نے کھلے عام مبالغہ آرائی کرتے ہوئے کہا کہ تہران ایک خطرناک دہشت گرد ریاست ہے اور اس ملک کے ساتھ ماسکو کا تعاون پوری دنیا کو خطرے میں ڈال رہا ہے

انہوں نے یوکرین کی جنگ میں استعمال کے لیے ایران سے روس کو جارحانہ ڈرونز کی برآمد کے بارے میں مغربی حکام کے دعووں کو دہراتے ہوئے تاکید کی کہ ماسکو کی طرف سے یہ اقدام ہمارے نقطہ نظر سے قابل قبول نہیں ہے، تاہم ہم یوکرین کو براہ راست کوئی فوجی امداد فراہم نہیں کریں گے۔

صیہونی حکومت کے وزیر اعظم نے مغربی کنارے میں اس حکومت کی فوج کے ہاتھوں ہونے والے ظلم و بربریت کا ذکر کیے بغیر مطالبہ کیا کہ خطے میں ایران کے اثر و رسوخ کی توسیع سے نمٹنے کی ضرورت ہے، واضح رہے کہ تہران اور ماسکو کے حکام روس کو ایرانی ڈرونز کی برآمد کے بارے میں کیے جانے والے بے بنیاد مغربی دعووں کو بارہا مسترد کر چکے ہیں۔