ایرانی میزائل آسانی سے تل ابیب تک پہنچ سکتے ہیں:امریکی جنرل

?️ 16 مارچ 2022

سچ خبریں:جنرل میکنزی نے امریکی سینیٹرز کو بتایا کہ ایران کے پاس 3000 بیلسٹک میزائل ہیں جن میں سے اکثر اسرائیل تک آسانی سے پہنچ سکتے ہیں۔
مغربی ایشیا میں امریکی سینٹرل کمانڈ کے کمانڈر جنرل کینتھ میکنزی نے منگل کو ٹائمز آف اسرائیل کے ساتھ گفتگو کرتے ہوئے کہا کہ ایران کے پاس 3000 سے زیادہ بیلسٹک میزائل ہیں، جن میں سے اکثر اسرائیل تک پہنچ سکتے ہیں ۔

یادرہے کہ آنے والے ہفتوں میں امریکی فوج سے ریٹائر ہونے والے میک کینزی گزشتہ ہفتے مقبوضہ فلسطین میں تھے جہاں انہوں نےصیہونی وزیراعظم نفتالی بینیٹ، وزیر جنگ بینی گینٹز اور اسرائیلی چیف آف اسٹاف ایویو کوخاوی سے ملاقات کی۔

انہوں نے منگل کو سینیٹ کی آرمڈ سروسز کمیٹی کو بتایا کہ فوجی سطح پر میری پہلی تشویش یہ ہے کہ ایران کے پاس جوہری ہتھیار نہیں ہے،تاہم اس نے نمایاں طور پر ترقی کی ہے اور بیلسٹک میزائل پروگرام تیار کیا ہے،میک کینزی نے سینیٹرز کے سوالات کے جواب میں کہا کہ ایران کے پاس مختلف اقسام کے 3000 سے زیادہ میزائل ہیں جن میں سے کچھ تل ابیب تک پہنچ سکتے ہیں جبکہ ان میں سے کوئی بھی ابھی تک یورپ نہیں پہنچ سکا۔

میک کینزی نے ایران کی میزائل قوت کو علاقائی سلامتی کے لیے سب سے بڑا خطرہ قرار دیتے ہوئے کہا کہ ایران نے جوہری صلاحیت کے حامل بیلسٹک میزائلوں کا ہتھیار تیار کیا ہے اور کئی بار ہتھیاروں کے پلیٹ فارم کا تجربہ کیا ہے، انہوں نے امریکی سینیٹ کی دفاعی کمیٹی کو بتایا کہ ایران نے اپنے بیلسٹک میزائل پروگرام میں گزشتہ پانچ سے سات سالوں میں بہت زیادہ سرمایہ کاری کی ہے۔