اکیسویں صدی کا سب سے بڑا خطرہ؛ روسی صدر کی زبانی

🗓️ 25 اپریل 2024

سچ خبریں: روس کے صدر نے کہا کہ بعض ممالک دہشت گردانہ حملوں میں انٹیلی جنس کا کردار ادا کرتے ہیں۔

سانا نیوز ایجسنی کی رپورٹ کے مطابق روسی صدر نے کہا کہ شدت پسند گروہوں کے دہشت گردانہ حملوں کو بعض ممالک کی خفیہ ایجنسیوں کی حمایت حاصل ہے۔

یہ بھی پڑھیں: روسی سیاستدان کے خلاف دہشت گردی کا منصوبہ ناکام 

روس کے صدر ولادیمیر پیوٹن نے کہا کہ دہشت گردی اب بھی اکیسویں صدی کے سب سے خطرناک خطرات میں سے ایک ہے، دہشت گردانہ حملوں کا مقصد جن میں بعض ممالک کی انٹیلی جنس ایجنسیاں ملوث ہیں ،قانونی بنیادوں کو تباہ کرنا اور خودمختار ممالک کے استحکام کو متاثر کرنا ہے۔

انہوں نے کہا کہ بلاشبہ ممالک کی خودمختاری اور ان کی سلامتی کو مضبوط کرنے کے لیے سب سے اہم شرط روحانی اور اخلاقی اقدار کا تحفظ اور ان کا دفاع ہے۔

روس کے صدر نے اس بات پر زور دیا کہ جیسا کہ تاریخی تجربے سے پتہ چلتا ہے کہ جو ممالک اپنی قومی شناخت کو محفوظ رکھتے ہیں اور اپنی ثقافت پر کاربند رہتے ہیں وہ ہم آہنگی اور آزادانہ انداز میں ترقی کرتے ہیں۔

ماسکو میں ہونے والے حالیہ دہشت گردانہ حملے کا ذکر کرتے ہوئے، پیوٹن نے مزید کہا کہ مجرمانہ طریقے زیادہ وحشیانہ ہو گئے ہیں جو ایک بار پھر ماسکو میں 22 مارچ کو ہونے والے خونریز دہشت گردانہ حملے میں دکھائے گئے۔

مزید پڑھیں: ماسکو کے کنسرٹ ہال حادثے کے بارے میں روسی حکام کا بیان

روس کے صدر نے تاکید کی کہ انٹیلی جنس ادارے اور قانون نافذ کرنے والے ادارے اس دہشت گردانہ حملے کے مرتکب اور اس کے منتظمین کی شناخت کا تعین کریں گے اور ان میں سے کسی کو بھی سزا سے نہیں بخشا جائے گا۔