اپنا منہ بند کرو!:شمالی کوریا کے رہنما کی بہن کا جنوبی کوریا کے صدر سے خطاب

?️ 19 اگست 2022

سچ خبریں:جنوبی کوریا کے صدر کے یہ کہنے کے بعد کہ ان کا ملک جوہری تخفیف کے بدلے شمالی کوریا کو اقتصادی امداد دینے کے لیے تیار ہے، کم جونگ ان کی بہن نے کہا کہ جنوبی کوریا کے صدر کو اپنا منھ بند رکھنا چاہیے۔
روئٹرز خبر رساں ادارے کی رپورٹ کے مطابق شمالی کوریا کے رہنما کی بہن کم یو جونگ نے اس ملک کی سرکاری خبر رساں ایجنسی (کے سی این اے) میں شائع ہونے والے ایک بیان میں کہا کہ جنوبی کوریا کے صدر فضول باتیں کرنے کے بجائے بہتر ہے اپنا منھ بند رکھیں اس لیے کہ ان کے پاس کہنے کے لیے کچھ نہیں ہے، ان کی یہ سوچ بہت سادہ اور بچگانہ ہے کہ شمالی کوریا اپنی شان و شوکت اور جوہری ہتھیاروں پر اقتصادی معاہدہ کر سکتا ہے۔

درایں اثنا جنوبی کوریا کے وزیرجو شمالی کوریا کے ساتھ تعلقات کو سنبھالتے ہیں ، نے شمالی کوریا کے رہنما کم جونگ ان کی بہن کے ریمارکس کو انتہائی توہین آمیز اور بدتمیزی قرار دیا،کم جونگ ان کی بہن نے یون سے مزید کہا کہ ہم واضح کردیں کہ ہم ان (یون) کے ساتھ آمنے سامنے نہیں بیٹھیں گے۔

جبکہ یون نے کہا ہے کہ وہ شمالی کوریا کو اقتصادی مدد فراہم کرنے کے لیے تیار ہے اگر وہ اپنے جوہری ہتھیاروں کی تیاری کو روکتا ہے اور تخفیف اسلحہ شروع کر دیتا ہے۔