سچ خبریں:مارشل آرٹ کے مقابلوں میں شرکت کے لیے متحدہ عرب امارات جانے والے لبنان کے نوجوان کھلاڑیوں میں سے ایک نے اسرائیلی حریف کا سامنا کرنے سے گریز کرتے ہوئے اس سے مقابلہ کرنے سے انکار کر دیا۔
ابوظہبی کی میزبانی میں متحدہ عرب امارات میں ہونے والے مارشل آرٹس کے مقابلے میں حصہ لینے والے لبنانی نوجوان ایتھلیٹ شربل ابو ضاہر نے اسرائیلی حکومت کے ایک کھلاڑی سے مقابلہ کرنے سے انکار کر دیا،ان کے اس اقدام کو لبنان اور فلسطین کے شہریوں اور فلسطین کے کاز کی حمایت کرنے والے دیگر عرب ممالک کے شہریوں نے سراہا ہے۔
واضح رہے کہ دو سال سے زیادہ عرصے سے متحدہ عرب امارات نے اپنے آپ کو تل ابیب حکومت کے ساتھ تعلقات کو معمول پر لانے والے ممالک میں شامل کیا ہے اور اس غیر قانونی ریاست کے ساتھ متعدد فوجی، سکیورٹی اور تجارتی معاہدوں پر دستخط کیے ہیں۔
قابل ذک رہے کہ اس کارروائی (اسرائیل کے ساتھ معاہدہ) سے پہلے متحدہ عرب امارات نے کھیلوں کے دروازے سے قابض حکومت کے حق میں متحدہ عرب امارات کی رائے عامہ کو تیار کرنے کا منصوبہ بنایا جس کا نتیجہ یہ نکلا کہ بحرین، سوڈان اور مرکش نے فلسطین کے کاز کی حمایت میں ابوظہبی کا ساتھ دیا۔
واضح رہے کہ کھیلوں کے مقابلوں میں صیہونیوں کو ذلت سے دوچار کرنا صرف لبنان تک محدود نہیں ہے بلکہ گزشتہ ہفتے دو عراقی ٹینس کھلاڑیوں نے بھی یورپ میں منعقدہ ایک ٹورنامنٹ میں اپنے اسرائیلی حریفوں کے خلاف کھیلنے سے انکار کر دیا تھا نیز اس سے پہلے بھی کئی ممالک کے کھلاڑی صیہونیوں کے ساتھ کھیلنے سے انکار کر چکے ہیں۔