سچ خبریں: غزہ کی پٹی میں خان یونس کی شائع شدہ سیٹلائٹ تصاویر اس علاقے میں 45000 عمارتوں کی تباہی یا نقصان کی نشاندہی کرتی ہے۔
المیادین نیوز چینل کی رپورٹ کے مطابق ماہرین نے اعلان کیا ہے کہ صیہونیوں کے حملوں کے نتیجے میں خان یونس میں 45 ہزار عمارتیں جزوی یا مکمل طور پر تباہ ہوگئی ہیں۔
یہ بھی پڑھیں: خانیونس میں صہیونی فوج مجاہدین کے جال میں
اس حوالے سے شائع ہونے والی رپورٹ میں کہا گیا ہے کہ خان یونس کی تقریباً 55 فیصد عمارتیں گزشتہ مہینوں میں یا تو مکمل طور پر تباہ ہو چکی ہیں یا انہیں نقصان پہنچا ہے۔
الجزیرہ چینل نے چند روز قبل غزہ کی پٹی کے جنوب میں خان یونس میں اس علاقے سے صیہونی افواج کی پسپائی کے بعد وسیع پیمانے پر تباہی کی اطلاع دی تھی۔
الجزیرہ کے رپورٹر نے خان یونس سے صہیونی افواج کی پسپائی کے بعد اس علاقے میں وسیع پیمانے پر ہونے والی تباہی کی خبر دی۔
رپورٹ کے مطابق اس علاقے پر فوجی حملے کے دوران صیہونی فوجیوں نے جان بوجھ کر طبی مراکز، اسپتالوں اور دیگر اہم تنصیبات کو تباہ کیا ہے۔
کل عبرانی زبان کے اخبار Ha’aretz نے اس بات پر زور دیا کہ صہیونی فوج نے اپنے اہم اہداف حاصل کیے بغیر خان یونس سے اپنی افواج کو واپس بلا لیا۔
مزید پڑھیں: خانیونس کے محصور ہسپتال میں انسانی تباہی کے آثار
اس رپورٹ کے مطابق صیہونی قیدیوں کی رہائی کے ساتھ حماس اور یحییٰ السنوار اور محمد ضیف جیسے القسام بٹالین کے سربراہوں کا قتل، خان یونسپر زمینی حملے میں صیہونی حکومت کی فوج کے اہم مقاصد میں تھے جن میں سے ایک بھی حاصل نہیں ہوا۔