سچ خبریں:انصار اللہ کی قیدیوں کے امور کی تگراں کمیٹی کے سربراہ نے اعلان کیا کہ عرب اتحاد سے تعلق رکھنے والے 77 کرائے کے قیدیوں کو رمضان اور عید الفطر کے موقع پر رہا کیا گیا ہے۔
یمن کی انصار اللہ تحریک نے اس تنظیم کے سربراہ عبدالمالک حوثی کے حکم سے عید الفطر کے موقع پر انسانی ہمدردی کے منصوبے میں جارح عرب اتحاد کا تعاون کرنے والے 77 کرائے کے قیدیوں کو رہا کیا۔
انصاراللہ نیوز ویب سائٹ نے جمعرات کو لکھا کہ انصاراللہ کی قیدیوں کے امور کی نگراں کمیٹی کے سربراہ عبدالقادر المرتضیٰ نے اعلان کیا ہے کہ رمضان المبارک اور عید کے موقع پر انصاراللہ کے رہنما کے حکم کی تعمیل میں اور ریڈ کراس کی بین الاقوامی کمیٹی کی موجودگی میں الفطر کے موقع پر انسانی ہمدردی اور یک طرفہ منصوبے کے تحت 77 قیدیوں کو رہا کیا گیا ہے۔
یمنی قیدیوں کے امور کی کمیٹی نے اس بات پر زور دیا کہ انسانی ہمدردی کے اس اقدام میں درجنوں بیمار اور بزرگ قیدی شامل ہیں،انہوں نے مزید کہا کہ دوسرے فریق کے درجنوں اسیروں کی یکطرفہ رہائی قیدیوں کے تبادلے کے حوالے سے مستقبل کے مذاکرات کے لیے زمین تیار کرنے کی کوشش ہے۔
واضح رہے کہ سعودی اتحاد سے وابستہ یمن صدارتی کونسل اور صنعا کے درمیان طے پانے والے معاہدے کے مطابق706 یمنی قیدیوں کی رہائی کے بدلہ میں یمن کی نیشنل سالویشن حکومت کو 181 قیدیوں کو رہا کرنا ہے جن میں کچھ سعودی اور سوڈانی شہری بھی شامل ہیں۔
