امریکی قابض عراق میں رہنے کے لیے کیا کر رہے ہیں؟ عراقی حزب اللہ کا بیان

?️ 16 مارچ 2024

سچ خبریں: عراقی حزب اللہ بٹالین کے ایک سکیورٹی اہلکار نے اس ملک میں موجود امریکی قابضین کے خلاف خبردار کیا۔

المیادین نیوز چینل کی رپورٹ کے مطابق عراقی حزب اللہ بٹالین کے سکیورٹی آفس کے سربراہ ابو علی العسکری نے ایک بیان جاری کرتے ہوئے تاکید کی کہ امریکی جارحیت پسندوں نے عراق کی فضائی حدود اور سرزمین میں اپنے رویے میں کوئی تبدیلی نہیں کی ہے اور ان کے بیانات عراق میں اپنی موجودگی باقی رکھنے کے لیے وقت خریدنے کی کوشش کی طرف اشارہ کرتے ہیں۔

یہ بھی پڑھیں: کیا امریکہ کو عراق سے جانا ہو گا؟

انہوں نے عراق میں امریکی قابضین کی موجودگی کو ختم کرنے کی کوشش کرنے والی حکومت اور سیاسی دھاروں کو خبردار کرتے ہوئے کہا قابضین کو باقی رہنے کی اجازت دینے کی صورت میں جہنم کا دروازہ کھل جائے گا۔

یاد رہے کہ اس سے پہلے عراق کی اسلامی مزاحمتی تحریک نے امریکی جارحیت پسندوں کے ٹھکانوں پر حملے بند کرنے کا اعلان کیا تھا جس کا مقصد حکومت کا ساتھ دینا ہے تاکہ امریکہ کے ساتھ مذاکرات کیے جائیں لیکن اس عمل میں پیش رفت نہ ہونے کے باعث اس نے اعلان کیا کہ گزشتہ چند دنوں سے ظاہر ہوتا ہے کہ حملہ آور طاقت کے بغیر عراق سے نہیں نکلیں گے۔

العسکری نے اندرونی صورتحال کے حوالے سے اس بات پر بھی زور دیا کہ الحشد الشعبی فورسز کے اقدامات کو عراق کی خودمختاری اور قوم کا دفاع قرار دینا چاہیے اور ان فورسز کے سربراہوں کا احترام کیا جانا چاہیے۔

مزید پڑھیں: 7اکتوبر کے بعد سے عراق اور شام میں امریکی اڈوں پر کیا بیت رہی ہے؟

العسکری نے واضح کیا کہ قانون ساز اداروں میں اندرونی اختلافات کو روکنے کے لیے عراقی پارلیمنٹ کے سربراہ کے لیے معمولی شخصیت کا انتخاب نہیں کیا جانا چاہیے۔