سچ خبریں:عراق اور شام کے متعدد حصوں پر قابض امریکی دہشتگرد فوج کا جدید ہتھیاروں سے لیس ایک اور قافلہ عراق سے شام میں داخل ہوگیا ہے۔
سانا نیوز ایجنسی کی رپورٹ کے مطابق فوجی ٹرکوں، ٹینکوں اور توپوں سمیت مختلف قسم کے ہتھیاروں سے لیس امریکی دہشتگردوں کا ایک قافلہ جو 23 گاڑیوں پر مشتمل تھا پیر کے روز عراق سے شام کے جنوبی علاقے الحسکہ میں داخل ہوا ہے جبکہ گزشتہ ہفتے بھی 30 گاڑیوں پر مشتمل امریکی فوجیوں کا ایک قافلہ عراق سے شام کے جنوبی علاقے الحسکہ میں داخل ہوا تھا۔
یادررہے کہ غاصب امریکی فوج کا دعوی ہے کہ وہ عالمی اتحاد کے دائرے میں دہشت گردوں کے خلاف برسر پیکار ہے جبکہ اپنے دعوؤں کے برعکس وہ کرد ڈیموکریٹک فورس کے ساتھ تعاون کر کے تیل کی لوٹ مار کرنے کی غرض سے شام کے تیل سے مالامال علاقوں پر قبضہ کر رہی ہے اور اسی غرض سے گزشتہ چند ماہ کے دوران جنگی ساز و سامان سے لدے ہزاروں امریکی فوجی ٹرک، شام کے تیل سے مالامال علاقوں میں پہنچائے گئے ہیں۔
قابل ذکر ہے کہ دہشت گردی کے خلاف مہم کے بہانے شام میں امریکہ اور اس کے اتحادیوں کی غیر قانونی فوجی موجودگی، ایسی حالت میں جاری ہے جبکہ امریکی صدر ٹرمپ نے اپنی حکومت کے آغاز میں ہی اعلان کیا تھا کہ امریکہ ہی شام میں مختلف دہشت گرد گروہ منجملہ داعش کے قیام کا باعث بنا ہے۔
درایں اثنا شام کے صدر بشار اسد نے امریکی حکومت کو جرمن نازی حکومت کی مانند قرار دیتے ہوئے کہا کہ امریکہ شام کا تیل چوری کر رہا ہے۔