امریکیوں کی ذاتی معلومات بھی غیر محفوظ

🗓️ 17 جون 2023

سچ خبریں:امریکی میڈیا کا کہنا ہے کہ اس ملک کے سرکاری اداروں پر ہیکرز کے حالیہ حملے کے بعد لاکھوں افراد کی ذاتی تفصیلات آن لائن منظر عام پر آئی ہیں۔

امریکی حکومت نے اعلان کیا ہے کہ ریاست لوزیانا اور اوریگون میں ریاستی اور وفاقی ایجنسیوں پر ہونے والے حالیہ سائبر حملے کے بعد 35 لاکھ سے زائد افراد کی ذاتی معلومات آن لائن منظر عام پر آئی ہیں۔

سی این این نے امریکی حکومتی اہلکاروں کا حوالہ دیتے ہوئے اطلاع دی ہے کہ ان معلومات میں لوگوں کے شناختی کارڈز اور ڈرائیونگ لائسنس کی تفصیلات موجود ہیں۔

مزید:امریکی سیاست کا زہر اس ملک کے اعلی عہدیداروں کے گلے پڑ گیا

امریکی حکام نے اس سائبر حملے کے مرتکب افراد کی براہ راست کسی کی شناخت نہیں کی ہے تاہم ان کا کہنا ہے کہ یہ ہیکنگ حملہ روسی رینسم ویئر کا استعمال کرتے ہوئے کیا گیا۔

کل بروز جمعہ امریکہ کی سائبر سکیورٹی اینڈ انفراسٹرکچر ایڈمنسٹریشن کے عہدیدار ایرک گولڈسٹین نے اس ملک کے متعدد سرکاری دفاتر پر سائبر حملے کی خبر دی۔

مزید پڑھیں:امریکی بنیادی ڈھانچہ پر سائبر حملہ

سی این این کو انٹرویو دیتے ہوئے گولڈسٹین نے کہا کہ اس سائبر حملے کی وجہ امریکی حکومتی اداروں میں استعمال ہونے والے سافٹ ویئر میں سکیورٹی کی کمزوری تھی، انہوں نے اس مسئلے کے حل کے لیے متعلقہ اداروں کی کوششوں کی بھی اطلاع دی۔

امریکی اہلکار نے سائبر حملوں کو منظم کرنے والے ممالک یا گروپوں کے بارے میں کوئی تبصرہ نہیں کیا،یاد رہے کہ دو ہفتے قبل بھی متعدد امریکی یونیورسٹیوں، ہسپتالوں اور دفاتر کو سائبر حملوں کا نشانہ بنایا گیا تھا۔