امریکہ کی شکاگو سٹی کا خونی ہفتہ؛17 افراد ہلاک، 99 زخمی

?️ 7 جولائی 2021

سچ خبریں:شکاگو سن ٹائمز کی رپورٹ کے مطابق ریاست ہائے متحدہ امریکہ کے مختلف حصوں میں تشدد بدستور جاری ہے ، شکاگو میں منگل کے روز ایک مقامی میڈیا نے اس شہر میں حالیہ فائرنگ سے زخمی اور ہلاک ہونے والوں کی تعداد کے بارے میں خوفناک اعدادوشمار شائع کیے،رپورٹ کے مطابق شکاگو میں ہفتہ ، اتوار اورپیر کی شام 5 بجے تک 99 افراد کو گولی کا نشانہ بنایا گیا ،شکاگو میں مقامی میڈیا کے مطابق فائرنگ سے 17 افراد ہلاک جبکہ زخمی ہونے والوں میں کم از کم 11 بچے شامل ہیں۔

شکاگو سن ٹائمز ، جس میں شوٹنگ کی خبروں پر ایک خصوصی فائل موجود ہے ، نے بتایا ہے کہ شکاگو میں 2021 کے آغاز سے پیر کی شام 5 بجے تک 2 ہزار فائرنگ کے واقعات ریکارڈ کیے گئے ہیں،رپورٹ میں کہا گیا ہے کہ اتوار کی شام سے پیر کی صبح تک فائرنگ کے واقعات میں کم از کم 11 بچے اور دو شکاگو پولیس اہلکار زخمی ہوئےجن میں سے پانچ بچوں کو نو گھنٹے کےاندر شکاگو میں گولی ماری گئی۔

پیر کو ہونے والی فائرنگ میں سے ایک میں ایک 15 سالہ لڑکے کو شام کے 5:50 بجے ساوت لانگلی اسٹریٹ کو عبور کرتے ہوئے کار سوار افراد نے گولی مار کر زخمی کر دیا ، گلی جبکہ اس واقعہ سے آدھا گھنٹہ قبل شام 5 بجکر20 منٹ پر شکاگو کی ساؤتھ آبرڈین اسٹریٹ پر ایک معمولی جھگڑے کے نتیجے میں مہلک فائرنگ کی گئی جس سے ایک 48 سالہ شخص ہلاک ہوگیا۔

قابل ذکر ہے کہ شکاگو کے حالیہ فائرنگ واقعات میں دیگر ہلاک شدگان میں ایک 19 سالہ اور ایک 34 سالہ نوجوان شامل ہیں،شکاگو سن ٹائمز کے مطابق امریکی ریاست الینوائے کے اس شہر میں حالیہ فائرنگ سے 5 اور 6 سال کی لڑکیاں جبکہ 11 ، 12 اور 13 سال کے لڑکے زخمی ہوئے۔