امریکہ کا چین کو انتباہ

?️ 14 دسمبر 2021

سچ خبریں:امریکی وزیر خارجہ انتھونی بلنکن نے انڈونیشیا کے دارالحکومت کے دورے کے دوران بیجنگ کے خلاف واشنگٹن کے الزامات کا اعادہ کرتے ہوئے چین پر زور دیا کہ وہ جارحانہ اقدامات سے باز رہے۔
اے ایف پی کی رپورٹ کے مطابق امریکی وزیر خارجہ انتھونی بلنکن نےانڈونیشیا کے دارالحکومت جکارتہ کے دورے کے دوران چین پر ایشیا پیسفک کے علاقے میں جارحانہ کارروائیاں کرنے کا الزام لگایا، مغربی میڈیا رپورٹس کے مطابق انڈونیشیا کے دورے کے دوران امریکی وزیر خارجہ انتھونی بلنکن نے بیجنگ کے خلاف واشنگٹن کے الزامات کا اعادہ کیا۔

رپورٹ کے مطابق جکارتہ کے دورے کے دوران امریکی سینئر سفارتی عہدہ دار نے بیجنگ پر زور دیا کہ وہ خطے میں جارحانہ اقدامات سے باز رہے،واضح رہے کہ انتھونی بلنکن اپنے جنوب مشرقی ایشیا کے دورے کے لیے پہلی بار انڈونیشیا گئے ہیں اور جکارتہ کے بعد ملائیشیا اور تھائی لینڈ کے دورے پر جائیں گے۔

اے ایف پی کے مطابق بلنکن نے منگل کو جکارتہ میں ایک تقریر میں انڈو پیسفک (ہند اور بحرالکاہل کے سمندروں کے درمیان بفر زون) کے بارے میں امریکی نقطہ نظر کو بیان کیا، امریکی وزیر خارجہ نے کہا کہ واشنگٹن خطے میں اپنے اتحادیوں اور شراکت داروں کے ساتھ مل کر قانون کی حکمرانی کے دفاع کے لیے کام کرے گا۔

جو بائیڈن کی حکومت کے سینئر سفارت کار نے اس بات پر زور دیا کہ انڈو پیسیفک خطے کے ممالک کو اپنا راستہ خود چننے کا حق ہے۔