ہمارے پاس امریکی باتیں سننے کا وقت نہیں:روس

?️ 30 جولائی 2022

سچ خبریں:روسی وزارت خارجہ کی ترجمان کا کہنا ہے کہ ہمارے وزیر خارجہ ابھی بہت مصروف ہیں جب انہیں وقت ملے گا تو وہ امریکی وزیر خارجہ کی تجویز کے بارے میں سوچیں گے۔
روسی وزارت خارجہ کی ترجمان ماریا زاخارووا نے کہا کہ اس ملک کے وزیر خارجہ سرگئی لاوروف کا حالیہ شیڈول بہت مصروف ہے، انہوں نے اشارہ دیا کہ جب وزیر خارجہ لاوروف کی مصروفیات ختم ہوں گی تو وہ امریکی وزیر خارجہ بلینکن کی طرف سے دی گئی بات چیت کی تجویز پر کچھ اقدام کریں گے۔

یاد رہے کہ امریکی وزیر خارجہ بلینکن نے بدھ کو کہا کہ وہ روسی وزیر خارجہ لاوروف کے ساتھ ٹیلی فونک بات چیت کرنا چاہتے ہیں، یوکرین جنگ کے آغاز کے بعد یہ پہلا موقع ہے جب دونوں وزرائے خارجہ نے روس میں قید دو امریکیوں کی رہائی پر بات چیت کی ہے۔

بلینکن نے نامہ نگاروں کو بتایا کہ ہم اپنا ترجیحی مسئلہ اٹھانا چاہتے ہیں، ہمارا مقصد دو امریکیوں کی رہائی کے معاملے کو اٹھانا ہے جو غلطی سے پکڑے گئے تھے،یوکرین کی جنگ کی بات کریں تو یوکرین اپنے بہت سے علاقے کھو چکا ہے اور ان علاقوں پر روسی فوج اور روسی حامیوں کا کنٹرول ہے۔

یوکرین نے اعتراف کیا ہے کہ اس نے اب تک لڑائی میں کافی نقصان اٹھایا ہے جبکہ امریکہ سمیت مغربی ممالک کی جانب سے نیٹو کی توسیع کے منصوبوں سے اس علاقے میں شدید کشیدگی پیدا ہوئی جو اب ایک بڑی جنگ میں تبدیل ہو چکی ہے، اس جنگ کی وجہ سے یوکرین اپنی سرزمین کا بڑا حصہ کھو چکا ہے اور اس جنگ سے بھاری نقصان ہوا ہے جب کہ بین الاقوامی سطح پر خوراک کی کمی کا بحران بھی پیدا ہو گیا ہے۔