الحشد الشعبی کے ہاتھوں اربعین زائرین کے خلاف حملے کا منصوبہ ناکام

🗓️ 14 ستمبر 2022

سچ خبریں:عراقی عوامی تنظیم الحشد الشعبی نے اعلان کیا ہے کہ اس تنظیم کی فورسز نے عراقی شہر سامراء کے جنوب میں اربعین زائرین کے خلاف دہشتگردانہ حملے کے منصوبے کو ناکام بنا دیا ہے۔

عراقی عوامی رضا کار فورس الحشد الشعبی نے ایک بیان جاری کیا ہے جس میں کہا گیا ہے کہ اس ملک کے صوبہ صلاح الدین کے شہر سامراء کے جنوب میں اربعین کے زائرین پر دہشتگرد حملہ کرنے کا منصوبہ بنایا گیا جسے الحشد الشعبی کی سکیورٹی فورسز نا کام بنا دیا ہے۔

ابھی تک اس خبر کی تفصیلات کا اعلان نہیں کیا گیا، یہ ایسے حالات میں ہے کہ جب حالیہ دنوں میں الحشد الشعبی نے اعلان کیا تھا کہ اس کے ۲۰ ہزار اہلکار اربعین مارچ کی سکیورٹی کے لئے تعینات کئے گئے ہیں۔

دوسری طرف عراقی حکومت نے بھی اعلان کیا ہے کہ اربعین مارچ میں سکیورٹی کو یقینی بنانے کے لئے ۴ میلین ڈالر کا بجٹ رکھا گیا ہے تاکہ عراق اور دینا کے کونے کونے سے آنے والے زائرین کو کسی بھی پریشانی نہ ہو،یاد رہے کہ اگرچہ ابھی تک دشمن اس تقریب میں خلل ڈالنے کے سوشل میڈیا سے لے کر دہشتگردانہ کاروائیوں تک متعدد منصوبے بنا چکے ہیں تاہم انہیں ناکامی کے سوا کچھ ہاتھ نہیں آیا۔