سچ خبریں:یمن کی قومی نجات حکومت کے وزیر نے اقوام متحدہ پر سعودی اتحاد کے جرائم پر پردہ ڈالنے کا الزام لگایا۔
المیسرہ چینل کی رپورٹ کے مطابق یمن کی قومی نجات حکومت کے مشیر وزیر عبدالعزیز بکیر نے صنعاء میں کہا کہ یمن کے خلاف جارحیت کے آغاز سے ہی ہم جس مسئلے سے دوچار ہیں، وہ اقوام متحدہ کی جانبداری ہے، یہ ادارہ جارح سعودی اتحاد کے جرائم پر پردہ ڈال کر اور ناکہ بندی کے تسلسل کو نظر انداز کرکے یمنی عوام کے مسائل میں برابر کا شریک ہے۔
رپورٹ کے مطابق انہوں نے مزید کہا کہ اقوام متحدہ کے خصوصی ایلچی نے سلامتی کونسل کو اپنی حالیہ رپورٹ میں یمنی عوام کی مشکلات کے بنیادی اسباب کو نظر انداز کیا،جارح اتحاد کے ذریعہ ان کے ملک کے مال و وسائل کی لوٹ مار اور اس کے خلاف کارروائی کے بارے میں کچھ بھی نہیں کہا۔
واضح رہے کہ شکاگو یونیورسٹی میں بین الاقوامی تعلقات کے پروفیسر اور جارحانہ حقیقت پسندی کے رہنما جان مرشیمر، جنہیں دنیا کا سب سے بڑا حکمت عملی ساز سمجھا جاتا ہے، کا خیال ہے کہ بین الاقوامی تنظیمیں اور ادارے بڑی طاقتوں کے ہاتھ میں اوزار ہیں اور وہ ان اداروں کو چلاتے ہیں اور انہیں استعمال کرتے ہیں نیز انہیں اپنے مقاصد کے حصول کے لیے بطور آلہ استعمال کرتے ہیں۔
واضح رہے کہ یمن میں سعودی حکومت کی جارحیت کے آغاز سے ہی دنیا میں دہشت گردی کے سب سے بڑے حامی کی حیثیت سے امریکہ نے سعودی عرب کے خلاف کسی بھی قرارداد کو پیش کرنے سے روک رکھا ہے۔
