سچ خبریں:افغان انسانی حقوق کے کارکنوں کو توقع ہے کہ طالبان حکومت کے تحت افغانستان میں انسانی حقوق کی صورت حال پر اقوام متحدہ کی رپورٹ اس ملک میں خواتین کی حقیقی صورت حال کی عکاسی کرے گی۔
طلوع نیوز کی رپورٹ کے مطابق افغانستان میں اقوام متحدہ کے مشن (UNAMA)کے اعلان کی بنیاد طالبان کے دوبارہ اقتدار میں آنے کے بعد 10 ماہ کے عرصے میں افغانستان میں انسانی حقوق کی صورتحال کا جائزہ لینے مبنی ایک رپورٹ تیار کی گئی ہے جو افغانستان میں انسانی حقوق بالخصوص خواتین کے حقوق کی صورتحال پر شائع ہونے والی ہے۔
یوناما کے اعلان میں کہا گیا ہے کہ افغانستان میں انسانی حقوق کی صورتحال پر یوناما کی تازہ ترین رپورٹ، جو 15 اگست 2021 سے 15 جون 2022 تک کے عرصے پر محیط ہے) شائع کی جارہی ہے، تاہم اس کے ساتھ ہی انسانی حقوق کے کارکنوں کا کہنا ہے کہ افغان خواتین کو توقع ہے کہ اس رپورٹ میں افغان خواتین کی حقیقی صورت حال کی عکاسی ہوگی۔
انسانی حقوق کے کارکنوں کو توقع ہے کہ یہ رپورٹ خواتین پر متعدد پابندیاں عائد کرنے، شہروں میں ان کے ساتھ نامناسب سلوک، جبری نقل مکانی، وسیع پیمانے پر غربت اور انسانی حقوق کے دیگر مسائل پر نئے شواہد فراہم کر سکتی ہے۔