افغانستان میں پانی کا بحران؛ 93% بچوں کی صاف پانی تک رسائی نہیں

?️ 24 مارچ 2022

سچ خبریں:اقوام متحدہ کے بچوں کے فنڈ یونیسیف کا کہنا ہے کہ افغانستان کے 93 فیصد بچوں کو صاف پانی تک یا بالکل رسائی نہیں ہے یا بہت کم ہے۔
اقوام متحدہ کے بچوں کے فنڈ یونیسیف نےاپنے ایک ٹویٹ میں لکھا کہ افغانستان میں 93 فیصد بچوں کو صاف پانی تک یا بالکل رسائی نہیں ہے یا بہت کم ہے ،یونیسیف نے کہا کہ پینے کے صاف پانی کی کمی افغان عوام کی موجودہ اور مستقبل کی زندگیوں کو خطرے میں ڈال رہی ہے۔

انہوں نے مزید کہا کہ افغانستان کی تقریباً 100 فیصد آبادی زیر زمین پانی پر انحصار کرتی ہے،ایجنسی نے اس سلسلہ میں مزید کہا کہ افغانستان کے بیشتر حصوں بالخصوص شہروں میں زیر زمین پانی کے وسائل میں نمایاں کمی واقع ہوئی ہے۔

یاد ہے کہ ریڈ کراس نے یہ بھی ٹویٹ کیا کہ افغانستان میں محفوظ پانی تک رسائی دہائیوں سے جاری تنازعات کی وجہ سے متاثر ہوئی ہے،اس تنظیم نے جنگ کو اس ملک کے آبی وسائل کے انتظام میں رکاوٹ قرار دیا ہے۔

ریڈ کراس نے اس بات پر بھی زور دیا کہ افغانستان میں لاکھوں افراد کو متاثر کرنے والے پانی کے شدید بحران کو روکنے کے لیے موسمیاتی تبدیلیوں سے نمٹنا بہت ضروری ہے۔