اسرائیل کی عالمی تنہائی پر مبنی خفیہ دستاویز کا انکشاف!

🗓️ 5 مئی 2023

سچ خبریں:صیہونی ذرائع ابلاغ کا کہنا ہے کہ صیہونی وزارت خارجہ کی ایک دستاویز افشا ہوئی ہے جس میں عالمی سطح پر اسرائیل کی بڑھتی ہوئی تنہائی کی نشاندہی کی گئی ہے۔

صیہونی ذرائع ابلاغ نے اپنی ایک رپورٹ میں صیہونی حکومت کی وزارت خارجہ کی ایک دستاویز کے افشاء ہونے کا اعلان کیا ہے جس میں عالمی سطح پر اسرائیل کی بڑھتی ہوئی تنہائی کی نشاندہی کی گئی ہے۔

فلسطینی خبر رساں ویب سائٹ شہاب نیوز نے جمعرات کی شب صیہونی اخبار ہارٹیز کی ویب سائٹ کے حوالے سے خبر دی ہے کہ صیہونی وزارت خارجہ کے سیاسی عہدیداروں نے اس دستاویز کے انکشاف کے جواب میں کہا ہے کہ یہ دستاویز خفیہ تھیں،ان کا کہنا ہے کہ نیتن یاہو کی کابینہ کی کارکردگی خاص طور پر عدالتی اصلاحات کے منصوبے نے اسرائیل کی عالمی تنہائی پر بہت منفی اثر ڈالا ہے۔

صیہونی اخبار کا کہنا ہے کہ نیتن یاہو کی کابینہ اور اس حکومت کے وزیر خارجہ کی عدالتی اصلاحات کے پروگرام کے خلاف حالیہ مظاہروں نے عالمی برادری کو ان کے خلاف انتباہی پیغامات بھیجے ہیں۔

اس سلسلے میں صیہونی میڈیا کا کہنا ہے کہ اسپین کے وزیر اعظم پیڈرو سانچیز نے حال ہی میں اس حکومت کے حکام کے نام ایک خفیہ تحریری پیغام میں نیتن یاہو کی عدالتی اصلاحات کی پالیسی کے خلاف مقبوضہ فلسطین میں مظاہرین کی حمایت کا اظہار کیا۔

رپورٹ کے مطابق پوری دنیا میں صیہونی سفارت خانوں میں موجود سفیروں اور بیشتر ملازمین کو روزانہ ان کے غیر ملکی ہم منصب نیتن یاہو کی کابینہ کی کارکردگی پر تنقید کا نشانہ بنا رہے ہیں اور مظاہروں کی بڑھتی ہوئی تعداد کے ساتھ ان کی کابینہ کے زوال کے امکان کے بارے میں خبردار کر رہے ہیں۔

ہارٹیز کے مطابق حالیہ ہفتوں میں اسرائیل کے دوست ممالک جن میں امریکہ، جرمنی، انگلینڈ اور فرانس شامل ہیں، کی تنقید نیتن یاہو کی کابینہ کی کارکردگی کے حوالے سے واضح اور کھلے مرحلے میں داخل ہو گئی ہے اور انہوں نے اس معاملے پر اپنے خیالات کا اظہار کیا ہےنیز اسرائیل میں جمہوری نظام کے مستقبل کی غیر واضح حالت پر تشویش کا اظہار کیا ہے۔