امریکہ کے لیے نئی رسوائی، لیبیا کے خلاف ایم آئی 6 اور موساد کے ساتھ گٹھ جوڑ کا انکشاف

?️ 1 فروری 2026

سچ خبریں:جیفری اپسٹین سے متعلق امریکی وزارت انصاف کی جانب سے جاری کردہ دستاویزات میں انکشاف ہوا ہے کہ یہ امریکی ارب پتی برطانوی اور صہیونی خفیہ اداروں کے عناصر کے ساتھ مل کر لیبیا کے اثاثوں کی لوٹ مار کے منصوبے میں ملوث تھا۔

عربی 21 کی رپورٹ کے مطابق جیفری اپسٹین سے متعلق مشہور مقدمے میں جاری ہونے والی نئی دستاویزات نے امریکہ کے لیے ایک اور سنگین رسوائی کو بے نقاب کر دیا ہے، جن سے ظاہر ہوتا ہے کہ یہ امریکی ارب پتی برطانوی اور صہیونی خفیہ اداروں کے عناصر کے ساتھ مل کر لیبیا کے اثاثوں پر ہاتھ صاف کرنے کی کوششوں میں مصروف تھا۔

یہ بھی پڑھیں:چارلی کرک کے قتل کے بعد ایف بی آئی ڈائریکٹر کش پٹیل کو ہٹانے کے مطالبات زور پکڑ گئے ہیں

عربی 21 کے مطابق، امریکی وزارتِ انصاف کی جانب سے جاری کردہ دستاویزات میں بتایا گیا ہے کہ امریکی ارب پتی اور جنسی جرائم میں ملوث جیفری اپسٹین نے اپنے قریبی افراد کے ہمراہ، سابق برطانوی خفیہ ادارے ایم آئی 6 اور صہیونی خفیہ ادارے موساد سے وابستہ عناصر کے تعاون سے، لیبیا کے حکام کو ملک کی تعمیرِ نو میں مدد کے بہانے بلیک میل کرنے کی کوشش کی۔

2011 میں اپسٹین کو بھیجی گئی ایک ای میل سے یہ بات سامنے آئی ہے کہ وہ اور اس کے قریبی ساتھی لیبیا میں سیاسی اور معاشی عدم استحکام سے فائدہ اٹھانے کے لیے متحرک ہو چکے تھے۔

آناتولی کی رپورٹ کے مطابق مذکورہ ای میل میں اس امر پر زور دیا گیا ہے کہ لیبیا کے منجمد اثاثوں کی مالیت تقریباً 80 ارب ڈالر ہے، جن میں سے 32 ارب ڈالر سے زائد امریکہ میں موجود ہیں۔

ای میل میں کہا گیا ہے کہ لیبیا سے لوٹے گئے اثاثوں کی اصل مالیت غالباً بیان کردہ رقم سے کم از کم چار گنا زیادہ ہے، اور اس میں سے محض ایک چھوٹے حصے پر قبضہ بھی اربوں ڈالر کے منافع کے مترادف ہوگا۔

مزید پڑھیں:جفری اپسٹین، امریکی جنسی دلال، کون تھا اور اس کا فساد کیس کیوں متنازعہ بن گیا؟

واضح رہے کہ گزشتہ سال لیبیا کی حکمران حکومت نے بین الاقوامی سطح پر منجمد اثاثوں کے معاملے کی تحقیقات کے لیے ایک قانونی کمیٹی تشکیل دی تھی۔ جیفری اپسٹین کو امریکی صدر ڈونلڈ ٹرمپ کے انتہائی قریبی افراد میں شمار کیا جاتا تھا۔