اسرائیل نے ہمیں حیرت میں ڈال دیا:یوکرینی صدر

?️ 26 ستمبر 2022

سچ خبریں:یوکرین کے صدر ولادیمیر زیلنسکی نے روس کے ساتھ جنگ کے دوران اسرائیل کی مدد نہ کرنے کی مذمت کرتے ہوئے کہا کہ ان کے ملک کو صیہونی حکومت سے کچھ نہیں ملا۔

فلسطین کرونیکل ویب سائٹ نے رپورٹ دی ہے کہ یوکرین کے صدر نے کہا کہ انہیں صدمہ ہوا کہ صیہونی حکومت نے روس کے ساتھ جنگ کے دوران ان کے ملک کو جدید ہتھیار نہیں دیے، یوکرین کے صدر ولادیمیر زیلنسکی نے روس کے ساتھ جنگ کے دوران اسرائیل کی مدد نہ کرنے کی مذمت کرتے ہوئے کہا کہ ان کے ملک کو صیہونی حکومت سے کچھ نہیں ملا۔

اس رپورٹ کے مطابق زیلنسکی نے فرانسیسی ٹیلی ویژن چینل TV5Monde کو انٹرویو دیتے ہوئے کہا کہ میں حیران ہوں، میری سمجھ میں نہیں آیا کہ اسرائیل کو کیا ہو گیا ہے، مجھے سمجھ نہیں آتی کہ وہ ہمیں طیارہ شکن آلات کیوں فراہم نہیں کر سکتے۔

یوکرین کے صدر نے مزید کہا کہ اسرائیل نے ہمیں کچھ نہیں دیا، کچھ نہیں، صفر! میں حقائق پر توجہ دیتا ہوں، اسرائیلی رہنماؤں سے بات چیت ہوئی لیکن انہوں نے یوکرین کی مدد نہیں کی، یاد رہے کہ قدس کی قابض حکومت نے اب تک بار بار وعدوں کے باوجود کیف کو جدید ہتھیار فروخت کرنے سے انکار کیا ہے۔