سچ خبریں: اسلامی مقاومتی تحریک حماس کے سینئر رکن اسماعیل رضوان نے فلسطینی قیدیوں اور اسرائیلی جیلوں میں ان کی حالت زار کے بارے میں بات کی۔
رپورٹ کے مطابق اسلامی مقاومتی تحریک حماس کے ایک سینئر رکن نے فلسطینی قیدیوں کے خلاف صیہونی حکومت کے جابرانہ اقدامات میں شدت کا ذکر کرتے ہوئے کہا: فلسطینی اسیران غیر معینہ مدت کی بھوک ہڑتال کی تیاری کر رہے ہیں۔
انہوں نے کہا کہ فلسطینی مقاومت، قیدیوں کی حمایت کرتی ہے اور قابضین کو قیدیوں کی جان بچانے کا ذمہ دار ٹھہراتی ہے۔ فلسطینی عہدیدار نے اپنی تقریر کے ایک اور حصے میں بعض عرب ممالک اور صیہونی حکومت کے درمیان تعلقات کو معمول پر لانے کی مذمت کی۔
رضوان نے اس سلسلے میں کہا کہ تعلقات کا معمول پر آنا ان لوگوں کے لیے خطرناک ہے جو اس طرح کا راستہ اختیار کرتے ہیں۔ اگر بعض عرب ممالک صیہونیوں کے ساتھ تعلقات معمول پر نہ لاتے تو اب تل ابیب فلسطینی قیدیوں پر حملہ کرنے کی جرأت نہ کرتا۔