اسرائیلیوں نے کسی بھی قسم کی امداد کو غزہ میں داخل ہونے سے روکا

?️ 21 فروری 2024

سچ خبریں:غزہ بھر میں بھوک کے بحران میں شدت آنے اور اس علاقے کے شمال میں عالمی خوراک پروگرام کی امداد کی معطلی کے بعد فلسطینی ہلال احمر نے بھوک کی وجہ سے فلسطینیوں کی اموات میں اضافے کی اطلاع دی ہے۔

غزہ میں فلسطینی ہلال احمر کے ترجمان نے اعلان کیا ہے کہ غزہ کی پٹی میں حقیقی قحط کی وجہ سے بہت سے شہریوں کی موت واقع ہوئی ہے اور ایسی چونکا دینے والی اطلاعات ہیں کہ غزہ کے مختلف علاقوں میں فلسطینیوں کو پانی یا خوراک میسر نہیں ہے۔

انہوں نے مزید کہا کہ قابض فوج امداد کے لیے غزہ کی پٹی میں داخل ہونے کا ارادہ رکھنے والی جماعتوں پر حملے کر رہی ہے اور ہم غزہ کے شمالی علاقوں کی امداد میں نمایاں کمی دیکھ رہے ہیں اور جو کچھ شمال میں ہو رہا ہے وہ دوسرے علاقوں تک بھی پھیلے گا۔
جبکہ پورے غزہ میں قحط اور بھوک پھیلی ہوئی ہے اور غزہ کی پٹی کے شمال میں یہ صورت حال دیگر علاقوں کے مقابلے میں بہت زیادہ خراب ہے جس کی وجہ قابضین کی طرف سے انسانی امداد کے داخلے کی اجازت نہیں ہے اور گزشتہ ایک ہفتے کے دوران شمال میں بچوں کی بڑی تعداد اقوام متحدہ سے وابستہ ورلڈ فوڈ پروگرام نے کل اعلان کیا کہ وہ شمالی غزہ کی پٹی کے لیے خوراک کی امداد عارضی طور پر روک دے گا۔

غزہ کی پٹی میں سرکاری میڈیا کے دفتر نے ورلڈ فوڈ پروگرام کے اس اقدام کو یکسر مسترد کرتے ہوئے اس بات پر زور دیا کہ یہ فیصلہ ایک گہری عالمی تباہی کا باعث بنے گا جس کا نشانہ لاکھوں فلسطینی ہوں گے جن میں خواتین اور بچے بھی شامل ہیں۔ ورلڈ فوڈ پروگرام کے اس اقدام کا مطلب ہے کہ تین چوتھائی ملین افراد کو موت کے گھاٹ اتار دینا اور غزہ میں انسانی صورتحال کو مزید خراب کرنا ہے۔