ترکی کے ہاتھوں عراق اور شام میں 184 دہشتگرد ہلاک

?️ 22 نومبر 2022

سچ خبریں:ترکی کی مسلح افواج نے گزشتہ چند دنوں میں سورڈ کلاؤ آپریشن کے دوران شام اور عراق میں کم از کم 184 دہشت گردوں کو ہلاک کیا ہے۔

اناطولی نیوز ایجنسی کی رپورٹ کے مطابق ترکی نے شمالی شام اور عراق میں گزشتہ دو دنوں کی فوجی کارروائیوں میں ہونے والی ہلاکتوں کے سلسلہ میں اپنے اعدادوشمار کا اعلان کیا ہے، اس حوالے سے ترکی کے وزیر دفاع خلوصی آکار نے پیر کے روز اعلان کیا کہ اس ملک کی مسلح افواج نے شام اور عراق میں تلوار کا پنجہ نامی فضائی آپریشن کے دو دنوں میں 184 دہشت گردوں کو ہلاک کیا۔

ترکی کی وزارت دفاع نے اس ملک کے وزیر دفاع کے حوالے سے کہا کہ سورڈ کلاؤ آپریشن کے آغاز سے لے کر اب تک ہوائی جہاز اور زمین سے ان کی فائر اسپورٹ کا استعمال کرتے ہوئے 184 دہشت گرد مارے جا چکے ہیں،ہمارے اندازوں کے مطابق یہ تعداد بڑھے گی۔

انہوں نے کہا کہ ہم آخری دہشت گرد کے خاتمے تک اپنی لڑائی جاری رکھیں گے، یاد رہے کہ تین رات قبل 20 نومبر کی رات کو ترکی نے شمالی عراق اور شام میں "سورڈ کلاؤ” فضائی آپریشن کیا جس میں 50 سے زائد طیاروں اور 20 ڈرونز نے حصہ لیا۔ان حملوں میں کردستان ورکرز پارٹی (PKK) کے اڈوں پر، جو ترکی میں غیر قانونی ہے اور ساتھ ہی اس کی شامی شاخ کے ہیڈکوارٹر پر بمباری کی گئی۔

ترک وزارت دفاع نے کہا کہ آپریشن کامیاب رہا، اس بات کا ذکر کرتے ہوئے کہ دہشت گردوں کے ٹھکانوں اور اہم مقامات کو تباہ کر دیا گیا،ترک میڈیا کے مطابق پیر کے روز شام کی جانب سے ترکی کے سرحدی شہروں کو نشانہ بنائے جانے کے بعد ترکی کے ایف 16 لڑاکا طیاروں نے شامی علاقوں پر دوبارہ حملے شروع کر دیے، یاد رہے کہ اس سے قبل شام کی سرحد پر واقع صوبہ کیلیس پر راکٹ حملے میں ایک ترک فوجی اور دو پولیس اہلکاروں کے زخمی ہونے کا اعلان کیا گیا تھا۔