اردوغان اور سعودی ولی عہد نے خطے میں ہونے والی پیش رفت پر بات کی

?️ 10 مئی 2022

سچ خبریں: ترک صدر رجب طیب اردوغان نے سعودی ولی عہد محمد بن سلمان سے ٹیلیفون پر بات کی۔

ترک صدارتی مواصلات کے دفتر نے ایک بیان میں کہا ہے کہ اردوغان اور بن سلمان نے ٹیلیفون کال کے دوران دو طرفہ تعلقات اور علاقائی امور پر تبادلہ خیال کیا۔

اناتولیہ نیوز ایجنسی کے مطابق بن سلمان نے اردوغان کو سعودی فرمانروا شاہ سلمان بن عبدالعزیز کی جسمانی حالت کے بارے میں بھی آگاہ کیا جو اتوار سے طبی معائنے کے لیے اسپتال میں ہیں۔

سعودی عرب کی شاہی عدالت نے کل اتوارکو اعلان کیا کہ شاہ سلمان بن عبدالعزیز ہفتے کی شام جدہ کے کنگ فیصل ہسپتال کے لیے روانہ ہو گئے ہیں۔ سرکاری سعودی خبر رساں ایجنسی نے بغیر کسی وضاحت کے محض یہ دعویٰ کیا کہ انہیں کچھ طبی معائنے کے لیے ہسپتال لے جایا گیا تھا۔