سچ خبریں:امریکی ریاست فلوریڈا میں بندوں کے ساتھ کھیلتے ہوئے ایک آٹھ سالہ بچے کے ہاتھوں ایک سالہ بچی ہلاک ہو گئی۔
امریکی ذرائع ابلاغ کی رپورٹ کے مطابق اس ملک کی ریاست فلوریڈا کے اسکامبیا کاؤنٹی علاقہ میں آٹھ سالہ بچے نے بندوق سے کھیلتے ہوئے حادثاتی طورپر فائرنگ کردی جس کے نتیجے میں ایک سالہ بچی ہلاک اوراس کی بہن زخمی ہوگئی۔
مقامی پولیس کا کہنا ہے کہ ہلاک اورزخمی ہونے والی بچیاں بچے کے والد کے دوست کی بیٹیاں ہیں، تاہم بچے کے والد کے خلاف غفلت برتنے، غیر قانونی اسلحہ رکھنے اورثبوت چھپانے کے جرم میں مقدمہ درج کرلیا گیا ہے، یاد رہے کہ بچے کے والد پر مجرمانہ ریکارڈ کی وجہ اسلحہ رکھنے پر پابندی عائد کی گئی تھی۔
واضح رہے کہ امریکہ دنیا کا وہ واحد ملک ہے جہاں آبادی سے زیادہ اسلحہ پایا جاتا ہے، یہاں ہر شہری نہایت ہی آسانی کے ساتھ اسلحہ خرید سکتا ہے جس کی وجہ سے اس ملک میں آئے دن فائرنگ کے واقعات دیکھنے کو ملتے ہیں اور اس کے نیتجہ میں اب تک سیکڑوں لوگ اپنی جانیں گنوا چکے ہیں جبکہ اب تک کوئی بھی حکومت اسلحہ رکھنے پر پابندی عائد نہیں کر سکی ہے، موجودہ امریکی صدر جوبائیڈن نے حال ہی میں کہا تھا کہ صدر بننے کے ابتدائی دنوں میں میں سوچ رہا تھا کہ میری حکومت میں فائرنگ کے واقعات نہیں ہوں گے تاہم ایسا نہیں ہوا۔
