آئندہ مذاکرات میں اسرائیلی انخلاء کا ٹائم ٹیبل طے کرنا اولین ترجیح ہے : نواف سلام

سچ خبریں:  لبنان کے وزیر اعظم نواف سلام نے اعلان کیا ہے کہ مذاکرات کے آئندہ دور میں ان کے ملک کی اولین ترجیح اسرائیلی افواج کے لبنان سے انخلاء کے لیے ٹائم لائن کا تعین کرنا ہوگی۔

انہوں نے مزید زور دے کر کہا کہ واشنگٹن میں جو کچھ حاصل ہوا ہے وہ مذاکرات جاری رکھنے کے لیے ایک سہ فریقی رہنما فریم ورک ہے، نہ کہ کوئی معاہدہ یا اتفاق نامہ۔

لبنان کے وزیر اعظم نے مزید کہا کہ  ہم بین الاقوامی قانون کی تمام خلاف ورزیوں کو دستاویزی شکل دیں گے اور بین الاقوامی عدالتوں میں رجوع کرنے کے حق سے دستبردار نہیں ہوئے، بلکہ اس کے نفاذ کو صرف معطل کیا ہے۔

چند گھنٹے قبل لبنان کے صدر جوزف عون نے بھی دعویٰ کیا کہ  لبنان ایک خودمختار اور آزاد ملک ہے، اور مذاکرات میں وہ اپنی طرف سے اور اپنے مفادات کے دفاع کے لیے بات چیت کرتا ہے۔ جب جنگوں کا تجربہ بے نتیجہ رہا تو ہم نے مذاکرات کے راستے کو بہترین آپشن کے طور پر منتخب کیا۔ فریم ورک معاہدہ لبنان کے مفادات کا تحفظ کرتا ہے، قانونی اور میدانی دونوں حوالوں سے، اور ہم نے نہ تو ہتھیار ڈالے ہیں اور نہ ہی اپنے حقوق سے چشم پوشی کی ہے۔

ان کے مطابق، لبنان اس عمل کے ذریعے اپنے اعلیٰ قومی مفادات کے حصول کے لیے کوشاں ہے۔