سچ خبریں: مغربی ممالک کے پاپولزم اور عدم تشدد کے نعرے دوسرے ممالک کے لیے صرف ایک نسخہ ہے لیکن جب اپنی باری آتی ہے تو سلامتی کے قیام اور خلاف ورزی کرنے والوں کو کچلنے کے لیے کوئی حد نہیں ہے۔
فرانس کی مختلف سڑکیں حالیہ دنوں میں لوگوں اور پولیس فورسز کے درمیان میدان جنگ میں بدل گئی ہیں، کچھ لوگ اس صورت حال کو خانہ جنگی سے تعبیر کرتے ہیں اور کچھ اسے فرانس کی صورت حال کی پوشیدہ پرتوں کا انکشاف سمجھتے ہیں جو معمولی سی اشتعال سے حالت جنگ اور وسیع بدامنی میں بدل جاتی ہے۔
مزید پڑھیں: فرانسیسی حکام کا مظاہروں کو دبانے کے لیے انوکھا فیصلہ
یاد رہے کہ فرانسیسی حکام ہمیشہ دوسرے ممالک کو جمہوریت اور آزادی کا سبق پڑنے کے بہانے خود کو دوسرے ممالک کے معاملات میں مداخلت کی اجازت دیتے ہیں،تاہم اس ملک میں حالیہ ہنگامہ آرائی اس وقت شروع ہوئی جب پیرس کے مضافات میں نانٹر کے علاقے میں 17 سالہ نائل مرزوقی نامی نوجوان کو ایک پولیس اہلکار نے قریب سے گولی مار دی جس کے بعد وہ زخموں کی تاب نہ لاتے ہوئے چل بسا۔
یاد رہے کہ فرانسیسی پولیس کا نیا شکار شمالی افریقی نژاد تھا جبکہ انسانی حقوق کے گروپوں کا خیال ہے کہ فرانس میں قانون نافذ کرنے والے اداروں میں نظامی نسل پرستی اس جرم کی وجہ تھی، اعداد و شمار بتاتے ہیں کہ فرانس، انگلینڈ اور امریکہ سمیت کئی مغربی ممالک میں دوسری نژاد کے لوگوں کو نچلے طبقے کے شہری کے طور پر جانا جاتا ہے اور پولیس کی جانب سے ان لوگوں کو نسل پرستانہ رویہ اختیار کرتے ہوئے قتل کرنا ایک عام سی بات بن چکی ہے جبکہ بہت سے لوگ نائل مرزوقی کے قتل کو امریکی پولیس کے ہاتھوں قتل ہونے والے جارج فلائیڈ کے مترادف سمجھتے ہیں، جو مغرب کے ڈھانچے پر حکومت کرنے والی منظم نسل پرستی کی وجہ سے ہوا۔
یہ بھی پڑھیں:فرانسیسی فسادات میں سوشل میڈیا کا اہم رول
قابل ذکر ہے کہ فرانس ان ممالک میں سے ایک ہے جو انسانی حقوق اور آزادی بیان کا دعویٰ کرتے ہیں نیز اس دعوے کے ساتھ اس کے میڈیا کی جانب سے مذہبی مقدسات کی خلاف ورزی اور نفرت اور نسل پرستانہ رویے کو فروغ دینا آزادی اظہار کے مترادف ہے،اس کے ساتھ ساتھ وہ انسان دوستی کے دعوے کرتے ہوئے دوسرے ممالک کے معاملات میں مداخلت کرتے ہیں اور انسانی حقوق کے بیانات جاری کرکے دوسرے ممالک کی مخالف تحریکوں کی حمایت کرتے ہیں۔
تاہم فرانس کے اندر اس قسم کے رویے کی کوئی خبر نہیں ہے اور کسی بھی احتجاج کے خلاف پہلا اور آخری ورژن جبر اور گرفتاری ہے،اگرچہ ایمینوئل میکرون نے اپنے ابتدائی رد عمل میں اس نوجوان کے قتل کو ناقابل معافی قرار دیا لیکن شائع شدہ اطلاعات کے مطابق جس وقت فرانسیسی شہروں میں احتجاجی مظاہرے شدت اختیار کر رہے تھے، انہوں نے عوام کے مطالبات پر توجہ دینے کے بجائے ،سیاہ فام لوگوں کو مارنے اور اس کے خلاف لوگوں کے احتجاج کو معمولی بنانے کے لیے ایک کنسرٹ میں شرکت کی،دوسری جانب میکرون نے کابینہ کے ہنگامی اجلاس میں کہا کہ فرانس میں گزشتہ چند گھنٹوں کے دوران پولیس مراکز، اسکولوں، میونسپل عمارتوں اور ریپبلکن اداروں کے خلاف پرتشدد مناظر دیکھے گئے، جو مکمل طور پر بلاجواز ہیں
قبل ذکر ہے کہ فرانس کی وزارت داخلہ کا حراست میں لیے گئے افراد کے بارے میں کہنا ہے کہ حراست میں لیے گئے افراد میں سے زیادہ تر کی عمریں 14 سے 18 سال کے درمیان ہیں جب کہ مغربی ممالک 18 سال سے کم عمر کے افراد کو بچہ قرار دیتے ہیں اور دیگر ممالک میں ان کی حراست کی مذمت کرتے ہیں، فرانس میں پیش آنے والی صورتحال نے ظاہر کیا کہ مغرب میں بھی امن عامہ اور سلامتی میں خلل ڈالنے والوں سے نمٹنے کی کوئی حد نہیں ہے اور یہ افراد کے اعمال ہیں جو معاشرے میں عدم تحفظ اور نظم و ضبط کے عوامل سے نمٹنے کا تعین کرتے ہیں۔
فرانس کی صورتحال کے بارے میں ایک اور قابل ذکر نکتہ مغربی میڈیا کی کوریج ہے،میڈیا کا ردعمل، جو آزادی بیان، خواتین اور بچوں کے حقوق کی حمایت، پولیس کی بربریت کی مخالفت، اور یہاں تک کہ ان نعروں پر عمل کرنے کے لیے حکومتوں کا تختہ الٹنے اور گرانے کا دعویٰ کرتا ہے، اسی میڈیا نے نائل مرزوقی کے قتل کی کہانی کو مختلف اور بعض اوقات مبہم پیش کیا نیز پولیس کے تشدد کو کم کرنے اور قاتل اور مقتول کی جگہوں کو تبدیل کرنے کی کوشش کی۔
مغربی میڈیا کے اس طرز عمل سے ظاہر ہوتا ہے کہ پاپولزم اور عدم تشدد صرف دوسرے ممالک کے لیے ایک نسخہ ہے جبکہ مغربی ممالک میں سلامتی کے قیام اور امن خراب کرنے والوں سے نمٹنے کی کوئی حد نہیں ہے، ایک اور نکتہ قابل ذکر ہے کہ فرانس میں حالیہ صورتحال میں انسانی حقوق کے دعویدار مغربی ممالک، یورپی پارلیمنٹ، یورپی کمیشن، کونسل آف یورپ، اقوام متحدہ اور انسانی حقوق کے اداروں کا طرز عمل قابل غور ہے، جن کا دعویٰ ہے کہ اس طرح کی صورتحال انسانی حقوق کی خلاف ورزی ہے، تاہم ان ممالک اور اداروں نے سیاہ فام نوجوان کے قتل اور اس کے خلاف سڑکوں پر ہونے والے مظاہروں کے سلسلہ میں صرف اظہارِ افسوس کو ہی کافی سمجھا،اس طرز عمل نے ایک بار پھر ان اداروں اور ممالک کے انسانی حقوق کے دعووں کے دوغلی پن اور تعصب کو آشکار کیا اور یہ ظاہر کیا کہ انسانی حقوق ان کے لیے مقصد نہیں بلکہ دوسرے ممالک پر دباؤ ڈالنے کا ایک ذریعہ ہیں۔
