سچ خبریں:عراقی ذرائع نے آج صبح بغداد کے بین الاقوامی ہوائی اڈے پر امریکی اڈے وکٹوریہ پر ڈرون حملے کی اطلاع دی۔
عراقی میڈیا نے آج پیر کی صبح بریکنگ نیوز میں بتایا کہ وکٹوریہ کے فوجی اڈے کو دو ڈرونز نے نشانہ بنایا،تاہم حملے اور اس کے ممکنہ نقصان یا جانی نقصان کے بارے میں مزید تفصیلات جاری نہیں کی گئی ہیں۔
واضح رہے کہ بغداد کے بین الاقوامی ہوائی اڈے کے مضافات میں وکٹوریہ ملٹری بیس عراق میں امریکی قابض افواج کے اڈوں میں سے ایک ہےجبکہ بغداد اور واشنگٹن انتظامیہ کے درمیان ہونے والے معاہدے کے تحت امریکی قابض افواج کو گزشتہ سال (2021) کے آخر میں عراق سے نکلنا تھا تاہم وائٹ ہاؤس نے اعلان کیا کہ عراق میں امریکی مشن کو فوجی سے مشاوت میں تبدیل کردیا گیا ہے،تاکہ امریکی فوجی اس ملک میں رہ سکیں۔
تاہم عراقی مزاحمتی گروپوں نے اس بات پر زور دیا ہے کہ اگر امریکی افواج ملک میں موجود ہیں تو انھیں جارحین اور قابضین کی نظر سے دیکھا جائے گا جن کا مقابلہ کرنے مزاحمتی تحریک کا قانونی حق ہے کیونکہ یہ ان کے ملک کی ارضی سالمیت کی خلاف ورزی ہے جس کو کسی بھی صورت میں برداشت نہیں کیا جائے گا، حال ہی میں عراقی مزاحتی تحریک بدر نے اپنے ایک بیان میں میں کہا ہے کہ اب عراق سے امریکیوں کے تابوت جائیں گے۔