اب اسرائیلی دنیا میں کہیں بھی جگہ محفوظ نہیں

?️ 2 نومبر 2023

سچ خبریں:ایک متعلقہ رپورٹ میں Yedioth Aharonot اخبار نے لکھا ہے کہ اسرائیل کی غیر ملکی انٹیلی جنس سروس کا خیال ہے کہ غزہ کی پٹی کے خلاف جاری جنگ کے بعد یہ خطرات اسرائیل کے لئے بڑھ گئے ہیں۔

عبرانی زبان کے اس میڈیا نے مزید انکشاف کیا کہ موساد کو خدشہ ہے کہ روسی جمہوریہ داغستان کے ماخچکالا ہوائی اڈے پر پیش آنے والا واقعہ دنیا کے درجنوں دیگر مقامات پر بھی اسرائیلیوں کے لیے دہرایا جائے۔

Yediot Aharanot نے مزید زور دیا کہ ان خدشات کے سائے میں یہ فیصلہ کیا گیا ہے کہ موساد، اسرائیلی سلامتی کونسل کے تعاون سے فوری طور پر ان خطرناک ترین علاقوں کا نقشہ تیار کرے گا جہاں اسرائیل مخالف کارروائیوں کا امکان ہے۔

اس نے جو معلومات حاصل کی ہیں اس کا حوالہ دیتے ہوئے اس میڈیا نے اس بات پر زور دیا کہ زیادہ تر مسلم کمیونٹی والے شہروں پر توجہ مرکوز کی جائے گی۔

واضح رہے کہ صیہونی حکومت کی سلامتی کونسل نے حال ہی میں ایک بیان میں صیہونیوں سے تاکید کے ساتھ کہا ہے کہ وہ شمالی قفقاز کا سفر کرنے سے گریز کریں اور خاص طور پر اس خطے کے 10 مقامات پر قیام سے گریز کریں۔