عالمی یوم قدس کی اہمیت ؛ اسرائیل کس چیز سے ڈرتا ہے؟

سچ خبریں: صیہونی حکومت عالمی یوم قدس سے بہت خوفزدہ ہے کیونکہ اس دن دنیا کے مختلف ممالک میں آزادی کے متلاشی فلسطینی عوام کی حمایت میں مارچ شروع کرتے ہیں۔

رمضان المبارک کے آخری جمعہ کو عالمی یوم قدس کے طور پر منانے کے امام خمینی کے اقدام کو 45 سال مکمل ہوگئے ہیں، اس سال عالمی یوم قدس غزہ کے عوام کے خلاف صیہونی حکومت کی نسل کشی کے چھٹے مہینے کے موقع پر منایا گیا،7 اکتوبر 2023 سے اب تک صیہونی حکومت نے 33 ہزار سے زائد فلسطینیوں کو شہید اور 75 ہزار سے زائد کو زخمی کیا ہے، اس نسل کشی نے اس سال عالمی یوم قدس کی اہمیت کو کئی لحاظ سے بڑھا دیا ہے اور ان میں سے کچھ واقعات کا اس کالم میں ذکر کیا گیا ہے۔

1۔ صیہونی حکومت کے چہرے کو بے نقاب کرنے کا ثبوت
مغربی دنیا نے اپنی میڈیا طاقت کا استعمال کرتے ہوئے بالخصوص حالیہ برسوں میں صیہونی حکومت کے چہرے کو ایک ایسے اداکار کے طور پر پیش کرنے کی کوشش کی جو امن اور سلامتی کا خواہاں ہے، بعض عرب ممالک کے ساتھ تعلقات کو معمول پر لانا اور مسلسل سفارتی دورے اسی سمت میں تھے، غزہ میں 6 ماہ کی جنگ اور نسل کشی نے اس جعلی چہرے کو مٹا دیا اور عالمی رائے عامہ کے سامنے اس نسل کش حکومت کا ناقابل تلافی چہرہ دکھا دیا۔

یہ بھی پڑھیں: عالمی یوم القدس یوم یکجہتی فلسطین

المعمدانی ہسپتال کا جرم اور غزہ کے الشفاء ہسپتال کا جرم صیہونی حکومت کے حققیقی چہرے کی صرف دو مثالیں ہیں، غزہ کے عوام بالخصوص بچوں کو بھوکا مارنے کی پالیسی، طبی سہولیات کا محاصرہ کرنا، مہاجرین کے کیمپوں پر حملہ کرنا وغیرہ، غزہ کے لوگوں کے خلاف تل ابیب کے نامکمل جرائم کا ایک اور حصہ ہے، ان جرائم کے ارتکاب نے ظاہر کیا کہ مغربی ایشیائی خطے میں سلامتی، امن اور استحکام کی راہ میں سب سے بڑی رکاوٹ مغربی استعمار کے ہاتھوں بنائی گئی صیہونی جعلی حکومت ہے، اگرچہ صیہونی حکومت کا یہ چہرہ پچھلے سالوں میں عیاں ہوچکا تھا لیکن اس سال غزہ میں بڑے پیمانے پر ہونے والی نسل کشی کے ساتھ یہ چہرہ پہلے سے زیادہ واضح ہوا ہے۔

2۔ انسانی اقدار کے تحفظ کا راگ الاپنے کا ثبوت
رواں سال کے یوم قدس کی اہمیت کا ایک اور عنصر مغرب کے انسانی اقدار کے دعووں کے جھوٹ کا ثابت ہونا ہے، مغرب نے ہمیشہ انسانی حقوق کی حمایت کا دعویٰ کیا ہے، انسانی حقوق کے بہانے اس نے اسلامی جمہوریہ ایران سمیت آزاد اور غیر وابستہ ممالک کے خلاف بہت سی پابندیاں بھی لگائیں، اگرچہ مغربی نظریہ سازوں اور تجزیہ نگاروں کی طرف سے بھی ہمیشہ یہی نظریہ رہا کہ جہاں مغرب کے مفادات کو خطرہ ہو گا وہاں وہ انسانی اقدار کو مفادات کے لیے قربان کر دے گا لیکن غزہ میں ہونے والی نسل کشی نے کسی بھی واقعے سے زیادہ مغرب کا یہ حقیقی چہرہ ظاہر کر دیا، امریکہ جو عالمی نظام میں اصول پسندی اور اقدار پرستی کا اصل دعویدار ہے، اس نے گزشتہ 6 ماہ کے دوران غزہ میں نسل کشی کو روکنے کے لیے 3 قراردادوں کی منظوری کو روک دیا اور ساتھ ہی یہ دعویٰ کیا کہ صیہونی حکومت غزہ میں جو کچھ کر رہی ہے وہ ایک جائز دفاع کی مثال ہے۔

غزہ میں نسل کشی مغرب اور اس کے انسانی حقوق کے دعووں پر ایک داغ ہے، آیت اللہ خامنہ ای نے نئے شمسی سال کے آغاز کے موقع پر اپنی تقریر میں اس مسئلے کا ذکر کرتے ہوئے فرمایا کہ غزہ کے واقعات نے ظاہر کیا کہ دنیا میں کس طرح ظلم اور اندھیرے کا راج ہے، یہ مغربی دنیا، یہ نام نہاد مہذب دنیا جو انسانی حقوق اور اس جیسی چیزوں کا دعویٰ کرتی ہے، نے دکھایا کہ ان کی زندگیوں، ان کے خیالات اور ان کے اعمال پر کیا تاریکی راج کرتی ہے، 30000 سے زیادہ لوگوں کا قتل عام کیا جاتا ہے، بچوں سے لے کر نوعمروں ، جوانوں ، بوڑھوں ، خواتین، یہاں تک کہ بیماروں کو بھی نہیں بخشا گیا؛ تھوڑے عرصے میں ان میں سے تیس ہزار لوگ قتل کیے جاتے ہیں، ان کے گھر تباہ ہوتے ہیں، ان کے ملک کا بنیادی ڈھانچہ تباہ کر دیا جاتا ہے اور مہذب تماشا دیکھ رہی ہے، نہ صرف یہ کہ اسے رکتی نہیں بلکہ مدد بھی کرتی ہے۔

3۔ فلسطین کی حمایت میں عالمی لہر
اس سال کے عالمی یوم قدس کا ایک اور اہم نکتہ یہ ہے کہ گزشتہ 6 ماہ کے دوران فلسطین کی حمایت اور صیہونی حکومت اور اس کے حامیوں کی مذمت میں عالمی سطح پر ایک لہر اٹھی ہے، ماضی میں بہت ہی کم ایسا ہوا ہے یا اس کی مثال بھی نہیں ملتی کہ امریکہ اور بعض یورپی ممالک میں فلسطین کی حمایت اور صیہونی حکومت کی مذمت میں کئی لاکھ افراد نے مظاہرے کیے ہوں لیکن گزشتہ 6 ماہ کے دوران بعض یورپی ممالک میں بھی ہزاروں افراد نے مظاہرے کیے،ان ممالک میں کئی لاکھ افراد سڑکوں پر آئے، واشنگٹن کے قلب میں بھی فلسطین کی حمایت میں مظاہرے کیے گئے، یہ عالمی لہر میڈیا کی جنگ میں صیہونی حکومت اور مغرب کی شکست کو ظاہر کرنے کے ساتھ ساتھ فلسطین اور بالخصوص غزہ کی حقیقت کے بارے میں عالمی رائے عامہ کی بیداری کی نشاندہی کرتی ہےم اس عالمی لہر کا مطلب عالمی رائے عامہ کی طرف سے غزہ کے عوام پر ہونے والے ظلم کو تسلیم کرنا ہے، حال ہی میں آیت اللہ خامنہ ای نے تحریک حماس کے سیاسی بیورو کے سربراہ اسماعیل ھنیہ سے ملاقات میں عالمی رائے عامہ کے ساتھ ساتھ عالم اسلام کی رائے عامہ کی حمایت کے مسئلے کا جائزہ لیا، انہوں نے عرب دنیا خصوصاً غزہ کے عوام کو اہم قرار دیتے ہوئے کہا کہ فلسطینی مزاحمت کی اب تک کی پروپیگنڈہ اور میڈیا سرگرمیاں بہت اچھی اور صہیونی دشمن سے آگے رہی ہیں اور اس سلسلے میں مزید اقدامات کیے جانے چاہیے۔

4۔ مزاحمت کی صداقت کا ثبوت
پچھلے سالوں اور اس سال کے یوم قدس میں ایک اور فرق یہ ہے کہ مزاحمت کا جواز پہلے سے زیادہ ثابت ہوا ہے، غزہ میں صیہونی حکومت کی نسل کشی نے ظاہر کیا کہ اس حکومت کے ساتھ کسی بھی قسم کا سمجھوتہ نہ صرف فلسطینیوں کے لیے مزید امن و سلامتی کا باعث نہیں بنے گا بلکہ اس حکومت کو مزید سنگین جرائم کرنے کی جرئت بخشے گا نیز غزہ میں ہونے والی نسل کشی نے ثابت کر دیا کہ صیہونی حکومت کے جرائم کا مقابلہ کرنے کا واحد راستہ مزاحمت اور مزاحمت کو مضبوط کرنا ہے۔

غزہ میں نسل کشی نے مزاحمتی محاذ کی تشکیل کی ضرورت کو ظاہر کیا، کچھ کہتے تھے کہ مغربی ایشیا میں اس مزاحمتی محاذ کی کیا ضرورت تھی؟ تاہم اب معلوم ہوا کہ اس خطے میں مزاحمتی محاذ کی موجودگی سب سے اہم مسائل میں سے ایک ہے، اس مزاحمتی محاذ کو دن بدن مضبوط کیا جائے، اس خطے میں بیدار ضمیر رکھنے والے لوگ جب ستر سال سے جاری صیہونیوں کے ظلم و ستم کو دیکھتے ہیں تو خاموشی اختیار نہیں کرتے، خاموش نہیں بیٹھنا، مزاحمت کا سوچنا فطری امر ہے، مزاحمتی محاذ کی تشکیل اسی لیے ہے، فلسطینی قوم اور فلسطین کے حامیوں کے خلاف صیہونی مجرموں کے ظلم کا مقابلہ کرنے کے لیے ہے۔

5۔ بحرانوں سے نکلنے میں صیہونی حکومت کی نااہلی کو ثابت کرنا
اس سال یوم قدس ایسی حالت میں آیا ہے کہ جب صیہونی حکومت گر چکی ہے،یہ حکومت غزہ کی دلدل میں پھنسی ہوئی ہے اور اپنے بیان کردہ فوجی اہداف (قیدیوں کو رہا کرنا اور حماس کو تباہ کرنا) حاصل کرنے سے قاصر ہے۔

یہ حکومت عزت کے ساتھ غزہ سے نکلنے کی صلاحیت بھی نہیں رکھتی، اگرچہ صیہونی حکومت ایک غیر مساوی جنگ میں غزہ کو کھنڈر میں تبدیل کرنے میں کامیاب ہو گئی ہے لیکن اندھی بمباری اور شہریوں کو نشانہ بنانا فتح کی علامت نہیں بلکہ مغربی ایشیائی خطے میں انٹیلی جنس برتری کے صیہونی دعوؤں کی شکست کی علامت ہے۔ ،آیت اللہ خامنہ ای کا کہنا ہے کہ ان کی پہلی شکست 7 اکتوبر اور الاقصیٰ طوفان میں ہوئی جب انٹیلی جنس اور فوجی تسلط کا دعویٰ کرنے والی حکومت کو ایک گروہ کی طرف سے انٹیلی جنس کی بڑی ناکامی کا سامنا کرنا پڑا، مزاحمت کے پاس محدود ذرائع تھے اور صیہونی حکومت کی اس ناکامی اور ذلت کا ازالہ کبھی نہیں ہوگا۔

مزید پڑھیں: عالمی یوم قدس، بیت المقدس کا تحفظ اور عالمی استکبار کے خلاف مظلوموں کی متحد آواز

آیت اللہ خامنہ ای نے صیہونیوں کی دوسری ناکامی کو غزہ پر حملے کے اعلان کردہ اہداف کے حصول میں ناکامی قرار دیا اور اس حقیقت کی طرف اشارہ کیا کہ صیہونیوں کو امریکیوں کی ہمہ جہت فوجی، مالی اور سیاسی حمایت حاصل ہے، جس میں جنگ بندی پر مبنی قراردادوں کا ویٹو بھی شامل ہے، انہوں نے مزید کہا کہ ان تمام حمایتوں کے باوجود صیہونی اپنے اعلان کردہ اہداف میں سے ایک بھی حاصل نہیں کر سکے، وہ مزاحمت اور خاص طور پر حماس گروپ کو تباہ کرنا چاہتے تھے، جبکہ آج حماس ،جہاد اسلامی اور دیگر مزاحمتی گروپ غاصب حکومت کو نشانہ بنا رہے ہیں۔

نتیجہ
عالمی یوم قدس ایران کے عظیم اسلامی انقلاب کے بانی کا اقدام ہے، صیہونی حکومت عالمی یوم قدس سے بہت خوفزدہ ہے کیونکہ دنیا کے مختلف ممالک میں آزادی کے متلاشی اس دن فلسطینی عوام کی حمایت میں جلوس نکالتے ہیں، اس سال کا عالمی یوم قدس ایسی حالت میں آیا ہے کہ صیہونی حکومت نے امریکہ کی مکمل حمایت سے غزہ میں نسل کشی کی ہے، صیہونی حکومت اور امریکہ سے نفرت دنیا میں بلند ترین سطح پر پہنچ چکی ہے، اس سال کا عالمی یوم قدس گزشتہ سالوں سے زیادہ یادگار ثابت ہو سکتا ہے۔