ڈاکٹر کے بیٹے کو ڈاکٹر بننے پراقربا پروری نہیں سمجھا جاتا تو اداکاروں کے ساتھ ایسا کیوں؟ علی سفینا

?️

کراچی: (سچ خبریں) مقبول اداکار و میزبان علی سفینا نے کہا ہے کہ ڈاکٹر کے بیٹے کو ڈاکٹر بننے پر اقربا پروری نہیں سمجھا جاتا تو اداکار کے بچوں کی اداکاری پر اقربا پروی کے الزامات کیوں لگائے جاتے ہیں؟

علی سفینا نے حال ہی میں کامیڈی شو ’حد کردی‘ میں شرکت کی، جہاں انہوں نے شوبز کیریئر سمیت دیگر معاملات پر کھل کر بات کی۔

اداکار نے پروگرام میں بات کرتے ہوئے بتایا کہ اگرچہ ان کی پیدائش پنجاب کے شہر ملتان میں ہوئی لیکن انہوں نے وہاں بہت کم وقت گزارا لیکن وہ پوری دنیا میں اپنے پیدائشی شہر کی نمائندگی کرتے ہیں۔

ان کے مطابق پیدائش کے فوری بعد ان کا خاندان عرب ملک عمان منتقل ہوگیا تھا، وہاں سے پھر وہ تعلیم کے لیے انگلینڈ گئے تھے، واپسی پر آکر وہ صوبہ سندھ دارالحکومت کراچی چلے گئے اور اب وہیں ان کا زیادہ وقت گزرتا ہے۔

ایک سوال کے جواب میں انہون نے بتایا کہ انگلینڈ میں دوران تعلیم انہوں نے ڈانس کلب میں ’ڈسک جوکی‘ (ڈی جے) کی ملازمت بھی اور وہاں سے پاکستان منتقلی کے بعد ابتدائی طور پر انہوں نے ریڈیو پر ’ویڈیو جوکی‘ (وی جے) کے طور پر کام کیا، پھر انہوں نے ٹی وی پر میزبان کے بعد اداکاری بھی شروع کردی۔

شادی سے متعلق پوچھے گئے سوال پر انہوں نے بتایا کہ انہوں نے پسند کی شادی کی، شریک حیات سے تعلقات ہونے کے بعد ہی انہوں نے انہیں شادی کی پیش کردی جو انہوں نے تسلیم کرلی۔

انہوں نے شادی کا واقعہ بتایا کہ ان کی شادی پر پنجاب سے 70 مہمان آئے تھے جنہوں نے شادی کی تقریبات شروع ہونے سے پہلے نہانا شروع کیا تو گھر کا پانی ہی ختم ہوگیا۔

علی سفینا کے مطابق وہ کراچی کے ڈیفینس ہاؤسنگ اتھارٹی (ڈی ایچ اے) کے علاقے میں رہتے تھے اور ان کے نہانے اور تیار ہونے سے قبل ہی پانی ختم ہوگیا اور انہیں پانی کا ٹینکر منوانا پڑا۔

شوبز انڈسٹری میں اصلاحات لانے سے متعلق پوچھے گئے سوال پر ان کا کہنا تھا کہ اگر انہیں موقع ملا تو وہ سب سے پہلے رائلٹیز کو بہتر بنانے کے ضوابط پر کام کریں گے، اس کے بعد شوبز میں اداکاروں کے علاوہ کام کرنے والے دیگر تکنیکی عملے کی تنخواہیں بہتر کرنے اور ان کی انشورنس پر کام کریں گے۔

اقربا پروری سے متعلق پوچھے گئے سوال پر علی سفینا نے دلیل دی کہ اگر ڈاکٹر کے بیٹے کو ڈاکٹر بننے پر اقربا پروری نہیں کہا جاتا تو پھر یہ سب شوبز کے لوگوں کے لیے کیوں؟

انہوں نے سوال کیا کہ جس طرح نصرت فتح علی خان کے گھرانے سے راحت فتح علی خان اتنے بڑے کلاکار بنے ہیں اور انہیں اقربا پروری نہیں کہا جا سکتا تو باقیوں کے معاملے میں ایسا کیوں کہا جاتا ہے؟

علی سفینا نے کہا کہ دوسروں کا حق مار کر اپنے لوگوں کو آگے کرنے کا عمل ہر انڈسٹری کے لیے غلط ہے اور یہ نہیں ہونا چاہئیے لیکن اداکار کے بچوں کو اداکاری کرنے پر اقربا پروری کہنا غلط ہے۔

انہوں نے مثال دی کہ شوبز انڈسٹری میں بہت سارے لڑکے اور لڑکیوں کا تعلق شوبز گھرانوں سے ہے اور انہیں اقربا پروری نہیں کہا جا سکتا؟

علی سفینا نے سوال کیا کہ جس طرح برصغیر میں کلاسیکل رقص صدیوں سے ایک سے دوسری نسل میں منتقل ہوتا چلا آیا اور اسے اقربا پروری نہیں کہا جا سکتا اسی طرح اداکاروں کے بچوں کو اداکاری کرنے پر اقربا پروری نہیں کہا جاسکتا۔

مشہور خبریں۔

اقوام متحدہ کے خالی ہال میں نیتن یاہو کی تقریر 

?️ 24 ستمبر 2023سچ خبریں:صیہونی حکومت کے وزیراعظم نیتن یاہو گزشتہ روز اقوام متحدہ کی

اقوام متحدہ کی کمیٹی نے عام شہریوں کے فوجی ٹرائل کی مخالفت کردی

?️ 8 نومبر 2024اسلام آباد: (سچ خبریں) اقوام متحدہ کی انسانی حقوق کی کمیٹی نے

توشہ خانہ ٹو کیس میں عمران خان اور بشریٰ بی بی پر فرد جرم عائد

?️ 12 دسمبر 2024 اسلام آباد: (سچ خبریں) توشہ خانہ ٹو کیس میں سابق وزیراعظم

غزہ میں حماس کی کمین گاہیں؛ قابضین کے خلاف مجاہدین کی حکمت عملی

?️ 10 مئی 2025 سچ خبریں:18 ماہ کی صہیونی جارحیت اور 100 ہزار ٹن بمباری

برطانیہ ہمیشہ موقع پرست رہا ہے: فرانس

?️ 19 ستمبر 2021سچ خبریں:فرانسیسی وزیر خارجہ نے اپنی ایک ٹیلی ویژن تقریر میں آسٹریلیا

غزہ میں متعدد صیہونی قیدیوں کی خودکشی کا پردہ فاش

?️ 4 جولائی 2024سچ خبریں: فلسطین الیوم ویب سائٹ کے مطابق فلسطین کی اسلامی جہاد

حزب اللہ کریوت کو کیوں مسلسل نشانہ بنا رہی ہے؟

?️ 6 اکتوبر 2024سچ خبریں: معتبر ذرائع نے حزب اللہ کی جانب سے مقبوضہ فلسطین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے