اقوام متحدہ کا داعش کے بڑھتے خطرات اور جدید طریقوں پر تشویش کا اظہار

?️ 5 فروری 2026

سچ خبریں:اقوام متحدہ کے انسداد دہشت گردی کے اعلیٰ عہدیدار نے سلامتی کونسل میں خبردار کیا ہے کہ داعش اور اس کی شاخیں مغربی افریقہ، عراق، شام اور افغانستان میں اپنی سرگرمیاں بڑھا رہی ہیں اور جدید ٹیکنالوجی کا استعمال کر رہی ہیں۔

معا خبر رساں ایجنسی کی رپورٹ کے مطابق اقوام متحدہ نے داعش کے بڑھتے ہوئے خطرات کے بارے میں انتباہ دیا ہے

اقوام متحدہ کے ایک اعلیٰ عہدیدار نے دہشت گرد تنظیم داعش کی طرف سے ابھرنے والے خطرات کے پھیلاؤ اور ان کی بڑھتی پیچیدگی کے بارے میں خبردار کیا ہے۔

 یہ بھی پڑھیں:داعش کا شام میں واپسی کا اعلان

اقوام متحدہ کے انسداد دہشت گردی دفتر کے ایک ذمہ دار الیگزینڈر زوییو نے سلامتی کونسل میں اپنے خطاب میں زور دیتے ہوئے کہا کہ داعش اور اس کی ذیلی شاخیں مغربی افریقہ اور ساحل کے علاقے میں اپنی موجودگی کو وسعت دے رہی ہیں۔

انہوں نے مزید کہا کہ داعش کے عناصر بیک وقت عراق اور شام میں بھی اپنے حملے جاری رکھے ہوئے ہیں۔

زوییو نے بیان کیا کہ افغانستان میں اب بھی داعش کی خراسان شاخ کی سرگرمیاں دیکھی جا رہی ہیں جو خطے اور اس سے باہر کے لیے انتہائی خطرناک خطرات میں سے ایک ہے۔

مزید پڑھیں:امریکہ اور اسرائیل کی طرف سے داعش پھر سے میدان میں اتارنا، مزاحمتی تحریک کے خلاف جنگ کا بہانہ:عطوان

اقوام متحدہ کی انسداد دہشت گردی کمیٹی کے ایگزیکٹو سربراہ نے بھی داعش کے طریقہ کار کی جدیدیت کی طرف اشارہ کرتے ہوئے کہا کہ یہ دہشت گرد گروہ ورچوئل اثاثوں اور کرپٹو کرنسیوں کے ساتھ ساتھ مصنوعی ذہانت کا بھی استعمال کر رہے ہیں۔