مداح نے دعویٰ کیا کہ جب ہمارا نکاح ہوچکا تو میں مانتی کیوں نہیں؟ ماہ نور بلوچ

?️

کراچی: (سچ خبریں) ماضی کی مقبول اداکارہ ماہ نور بلوچ نے انکشاف کیا ہے کہ ایک مرد مداح ان کے اتنے پیچھے پڑ گئے تھے کہ انہوں نے ان سے نکاح کا دعویٰ تک کردیا اور ان کے گھر تک آگئے۔

اداکارہ حال ہی میں سما ٹی وی کے پروگرام ’حد کردی‘ میں شریک ہوئیں، جہاں انہوں نے شوبز کیریئر سمیت دیگر معاملات پر کھل کر بات کی۔

پروگرام کے دوران انہوں نے اپنی شخصیت پر بات کرتے ہوئے کہا کہ انہیں ان کی شخصیت کی وجہ سے ہمیشہ ایسے کردار دیے گئے، جن میں ایک امیر خاتون کے طور پر دکھایا گیا۔

انہوں نے شکوہ کیا کہ انہیں کبھی غریب عورت کا کردار نہیں دیا گیا اور ان سے ہمیشہ یہی کہا جاتا کہ وہ چہرے سے غریب نہیں دکھتیں، اس لیے انہیں بہت زیادہ قسم کے کردار نہیں دیے گئے۔

انہوں نے اپنی شخصیت اور چہرے کی وجہ سے زیادہ ورسٹائل کردار نہ ملنے پر اظہار افسوس بھی کیا۔

ساتھ ہی انہوں نے ایک سوال کے جواب میں کہا کہ ان کی نظر میں شاہ رخ خان کی شخصیت ایسی ہے کہ وہ بہت اچھے اداکار لگتے ہیں کہ لیکن درحقیقت وہ اچھے اداکار نہیں۔

ان کے مطابق یہ ان کی ذاتی رائے ہے کہ شاہ رخ خان کو اپنی مارکیٹنگ بہتر انداز میں کرنے کا فن آتا ہے لیکن وہ اچھے اداکار نہیں، تاہم ساتھ ہی انہوں نے تسلیم کیا کہ شاہ رخ خان نے ’ڈر اور انجام‘ میں اچھی اداکاری کی اور ان کے خیال میں شاہ رخ خان کو دماغی مسائل کے شکار افراد کے کردار اچھے لگتے ہیں۔

ایک سوال کے جواب میں انہوں نے انکشاف کیا کہ جب وہ اداکاری کی دنیا میں نئی آئی تھیں تب بھارتی اداکارہ مادھوری ڈکشٹ انہیں بہت پسند تھیں اور انہیں ایسا لگتا تھا کہ مادھوری کا روح ان میں آگیا ہے۔

ماہ نور بلوچ نے بتایا کہ انہوں نے کیریئر کا آغاز ماڈلنگ سے کیا اور جلد ہی انہیں سلطانہ صدیقی نے اداکاری کرنے پر آمادہ کیا اور انہوں نے تسلیم کیا کہ انہوں نے ان کی بہت مدد کی، ساتھ ہی انہوں نے بتایا کہ سلطانہ صدیقی ان کی رشتے دار بھی ہیں۔

ایک اور سوال کے جواب میں انہوں نے کہا کہ انہوں نے بشریٰ انصاری کی وہ ویڈیو دیکھی ہے، جس میں وہ بتا رہی ہیں کہ ماہ نور بلوچ کو اداکاری نہیں آتی۔

ان کے مطابق وہ بشریٰ انصاری کے خیال سے اتفاق نہیں کرتیں لیکن وہ ان کی ذاتی رائے کا احترام کرتی ہیں اور ممکن ہے کہ بشریٰ انصاری نے مذکورہ بات اس لیے کہی ہو کہ ان کے خیال میں اداکار کو ہر طرح کے کردار ادا کرنے چاہئیے جب کہ وہ ہر طرح کے کردار نہیں کرتیں۔

ایک اور سوال کے جواب میں ماہ نور بلوچ نے انکشاف کیا کہ انہیں کیریئر کے آغاز میں زیبا بختیار کے ساتھ بولی وڈ فلم ’حنا‘ میں کام کی پیش کش ہوئی تھی لیکن انہیں کبھی بھارتی انڈسٹری میں کام کرنے کی خواہش نہیں رہی۔

انہوں نے بتایا کہ وہ ایک ہولی وڈ فلم میں بھی کام کر چکی ہیں، وہاں اور پاکستانی انڈسٹری کے کام میں بہت بڑا فرق ہے، وہاں رونے کا منظر شوٹ کروانے کے بعد اداکار کو ایک گھنٹے تک آرام کرنے دیا جاتا ہے جب کہ پاکستان میں مرنے کا منظر شوٹ کروانے کے بعد شادی کا سین ریکارڈ کروایا جاتا ہے۔

پروگرام میں ماضی کو یاد کرتے ہوئے انہوں نے انکشاف کیا کہ ایک مرد مداح ان کے اتنے دیوانے تھے کہ انہوں نے اداکارہ کے ساتھ نکاح کا دعویٰ تک کردیا تھا۔

ماہ نور بلوچ کے مطابق شروع میں انہوں نے مرد مداح کے نکاح کے دعوے کو نظر انداز کیا لیکن معاملہ اس وقت بڑھ گیا جب وہ شخص ان کے گھر تک پہنچ گیا اور پھر انہیں سٹیزن پولیس لیازن کمیٹی (سی پی ایل سی) سے مدد مانگنی پڑی۔

اداکارہ نے بتایا کہ سی پی ایل سی نے مذکورہ شخص کو گرفتار کرکے اس کی خوب دھلائی کی لیکن اس باوجود وہ بار بار ان سے نکاح کا دعویٰ کرتا رہا۔

اداکارہ کے مطابق مداح پولیس کی پٹائی کے باوجود ان کے شوہر کے سامنے ہی ان کے ساتھ نکاح کا دعویٰ کرتا رہا اور ان کے شوہر سے متعلق کہتا رہا کہ ان جیسے بہت سارے لوگ آتے ہیں جو ایسی خواتین کے شوہر ہونے کا دعویٰ کرتے ہیں۔

ماہ نور بلوچ کا کہنا تھا کہ بعد ازاں پولیس کی تحقیق سے معلوم ہوا کہ وہ شخص ذہنی بیماری میں مبتلا تھا، جس پر ان سمیت پولیس کو بھی افسوس ہوا۔

مشہور خبریں۔

یمنیوں کی سعودی عرب کی خطرناک دھمکی

?️ 23 مئی 2021سچ خبریں:یمنی قومی نجات حکومت کی سپریم پولیٹیکل کونسل کے ممبر نے

فیروز خان اصل ہیرو ہیں، زندگی کے بہترین مشورے انہوں نے دیے، کومل میر

?️ 22 جولائی 2025کراچی: (سچ خبریں) اداکارہ کومل میر نے ساتھی اداکار فیروز خان کی

اردغان کو ہٹانا آسان کیوں نہیں؟

?️ 16 جنوری 2022سچ خبریں:  ان دنوں ترکی میں اردغان کی اپوزیشن جماعتوں کے رہنما

صنعا پر سعودی جنگجوؤں کے وحشیانہ حملے

?️ 6 فروری 2022سچ خبریں: سعودی لڑاکا طیاروں نے ایک بار پھر یمنی دارالحکومت صنعا کو

انسٹاگرام نےصارفین کو بڑی خوش خبری دے دی

?️ 26 نومبر 2021نیویارک( سچ خبریں) انسٹاگرام  نے اپنے صارفین کو بڑی خوش خبری دی

نیتن یاہو میں قتل و غارت کی پالیسی اپنانے کی ہمت نہیں / استقامتی محاذ پہلے سے زیادہ متحد ہے:عطوان

?️ 26 اپریل 2023سچ خبریں:ایک ممتاز عرب تجزیہ کار کا کہنا ہے کہ آج استقامتی

موسمیاتی تبدیلی اتھارٹی کیس: سیکریٹری برائے ماحولیاتی تبدیلی، چاروں صوبائی چیف سیکریٹریز طلب

?️ 3 جون 2024اسلام آباد: (سچ خبریں) سپریم کورٹ نے موسمیاتی تبدیلی اتھارٹی کے قیام

آرٹی فیشل گریویٹی پیدا کرنے والا دیوقامت پہیے نما خلائی اسٹیشن

?️ 1 مارچ 2021واشنگٹن {سچ خبریں} آربٹل اسمبلی کارپوریشن نے زمین کے گرد مدار میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے