شری دیوی کی موت کی وجہ سامنے آگئی،شوہر نے 5 سال بعد خاموشی توڑی

?️ 4 اکتوبر 2023

سچ خبریں: بھارت کے نامور پروڈیوسر بونی کپور نے اپنی بیوی اور سپر اسٹار شری دیوی کو مارنے کے الزام پر 5 برس بعد خاموشی توڑ دی۔

انڈین میڈیا سے تازہ انٹرویو میں بونی کپور کا کہنا تھا کہ اداکارہ کی موت طبعی نہیں بلکہ حادثاتی تھی اور انہیں دبئی پولیس سے کلین چٹ لینے کیلئے مختلف اقسام کے ٹیسٹوں سے گزرنا پڑا تھا۔

یہ بھی پڑھیں: میری پیدائش کے بعد ایک مہینے تک میرے والد نے میرا چہرہ نہیں دیکھا، بھارتی اداکارہ نے بتائی وجہ

انہوں نے بتایا کہ دبئی پولیس پر انڈین میڈیا کا بہت زیادہ دباؤ تھا لیکن انہیں جلد اندازہ ہوگیا کہ میری طرف سے کوئی غلط کام نہیں کیا گیا ہے۔

بونی کپور کے مطابق شری دیوی نے سخت ترین ڈائٹ کی وجہ سے اپنی صحت خراب کردی تھی اور وہ اکثر فاقے کیا کرتی تھیں تاکہ اسمارٹ نظر آئیں۔

مزید پڑھیں: زندگی کے سب سے بڑے امتحان کا سامنا ہے:مشہور بھارتی اداکارہ

واضح رہے کہ 2018 میں شری دیوی دبئی کے ایک ہوٹل میں باتھ ٹب میں ڈوب کر جان سے ہاتھ دھو بیٹھی تھیں جس کے بعد ان کے شوہر پر انہیں قتل کرنے کا الزام عائد کیا گیا اس لیے کہ وہ اس سے کچھ ہی دیر قبل انہیں ملنے دبئی پہنچے تھے۔