جیا بچن بھی کورونا وائرس کا شکار ہوگئیں

?️ 4 فروری 2022

ممبئی (سچ خبریں)عالمی وباکورونا وائرس کے وار جاری ہیں، بالی ووڈ کے لیجنڈری اداکار امیتابھ بچن کی اہلیہ و سینئر اداکارہ جیا بچن بھی عالمی وبا کورونا وائرس کا شکار ہوگئیں۔ شبانہ اعظمی کے بعد اب جیا بچن بھی کورونا وائرس کا شکار ہوگئی ہیں جس کے بعد کرن جوہر کی ملٹی اسٹار فلم ’راکی اور رانی کی پریم کہانی‘ کی شوٹنگ ملتوی کردی گئی ہے۔

بھارتی میڈیا رپورٹس کے مطابق شبانہ اعظمی کے بعد اب جیا بچن بھی کورونا وائرس کا شکار ہوگئی ہیں جس کے بعد کرن جوہر کی ملٹی اسٹار فلم ’راکی ​​اور رانی کی پریم کہانی‘ کی شوٹنگ ملتوی کردی گئی ہے۔

ذرائع کا کہنا ہے کہ فلم ’راکی اور رانی کی پریم کہانی‘ کی شوٹنگ کا آغاز 2 فروری کو شروع ہونا تھا اور 14 فروری کو شوٹنگ ختم ہونی تھی، پہلے شبانہ اعظمی اور اب جیا بچن کا ٹیسٹ مثبت آگیا جس کی وجہ سے کرن جوہر نے اب شیڈول منسوخ کر دیا ہے کیونکہ وہ باقی کاسٹ اور عملے کو خطرے میں ڈالنا نہیں چاہتے۔

واضح رہے کہ میڈیا رپورٹس کے مطابق اس فلم میں شبانہ اعظمی اور جیا بچن اہم کردار ادا کریں گی۔اس فلم کے مرکزی کردار میں رنویر سنگھ اور عالیہ بھٹ نظر آئیں گی جبکہ یہ فلم سال 2023 میں ریلیز کی جائے گی۔