انٹرٹینمنٹ

آئمہ بیگ اچھی گلوکارہ ہیں، مومنہ مستحسن گلوکارہ کے دفاع میں سامنے آگئیں

29
اکتوبر

?️ 29 اکتوبر 2024

کراچی: (سچ خبریں) گلوکارہ مومنہ مستحسن ساتھی گلوکارہ آئمہ بیگ کی حمایت میں سامنے آگئیں، انہوں نے گلوکارہ کو بہترین قرار دے دیا۔

چند روز قبل گلوکارہ سارہ رضا خان نے ایک انٹرویو میں کہا تھا کہ اگر ”آٹو ٹیون“ کے آپشن کو ہٹا دیا جائے تو آئمہ بیگ بالکل بھی گلوکارہ نہیں۔

انہوں نے آئمہ بیگ کی گلوکارہ کو موسیقی کے آلات ”آٹو ٹیونز“ سے جوڑا تھا جو کہ کسی بھی گلوکار کو بہترین انداز میں گلوکاری کرنے میں مدد دیتے ہیں۔

“آٹو ٹیونز’ دراصل وہ متعدد موسیقی کے آلات ہیں جنہیں گانے کے دوران استعمال کیا جاتا ہے اور خصوصی طور پر ”آٹو ٹیونز“ لائیو پرفارمنس میں گلوکاروں کو بہتر انداز میں گلوکاری کرنے میں دیتے ہیں۔

سارہ رضا خان کا دعویٰ تھا کہ اگر آٹو ٹیونز کو ہٹا دیا جائے تو آئمہ بیگ بالکل بھی گلوکارہ نہیں۔

سارہ رضا خان کی جانب سے آئمہ بیگ کے لیے کہی گئی مذکورہ بات وائرل ہوگئی تھی، جس پر اب مومنہ مستحسن نے اپنا رد عمل دیا ہے۔

مومنہ مستحسن نے ایک انسٹاگرام پوسٹ پر کمنٹس کرتے ہوئے نہ صرف آئمہ بیگ بلکہ سارہ رضا کو بھی بہترین گلوکارہ قرار دیا۔

مومنہ بیگ نے لکھا کہ آئمہ بیگ بہت اچھی گلوکارہ ہیں، انہیں “آٹو ٹیونز’ کی ضرورت نہیں۔

انہوں نے مزید لکھا کہ سارہ رضا خان بھی اچھی گلوکارہ ہیں اور انہیں بھی آٹو ٹیونز کی ضرورت نہیں۔

مومنہ مستحن کی جانب سے دونوں گلوکاراؤں کی تعریف کرنے کے کمنٹس پر صارفین نے دلچسپ رد عمل دیا اور زیادہ تر سوشل میڈیا صارفین نے ان کی بات سے اتفاق بھی کیا۔

Short Link

Copied