عوام پاکستان پارٹی کس نے اور کیوں بنائی ہے؟

🗓️ 7 جولائی 2024

سچ خبریں: مسلم لیگ (ن) کے ناراض رہنماوں نے "عوام پاکستان پارٹی” کے نام سے نئی سیاسی جماعت تشکیل دی ہے۔

اسلام آباد میں نئی جماعت کے حوالے سے تقریب منعقد ہوئی، جس میں شاہد خاقان عباسی، مفتاح اسماعیل، سابق گورنر خیبر پختونخوا سردار مہتاب عباسی، سابق وفاقی وزیر صحت ڈاکٹر ظفر مرزا، سابق صوبائی وزیر پنجاب زعیم قادری اور دیگر رہنماؤں نے شرکت کی۔

یہ بھی پڑھیں: انتخابات نزدیک، مسلم لیگ (ن) تاحال منشور پیش نہ کر سکی

عوام پاکستان پارٹی کا نعرہ "بدلیں گے نظام” رکھا گیا ہے، اور جماعت کے جھنڈے کے رنگ سبز اور نیلے ہیں، جس پر پارٹی کا نام سفید رنگ میں تحریر ہے۔

رکن آگنائزنگ کمیٹی فاطمہ عاطف نے بتایا کہ پارٹی کے انٹرا پارٹی انتخابات 19 جون کو ہوئے، جس میں شاہد خاقان عباسی کو پارٹی کا کنوینر اور مفتاح اسماعیل کو سیکرٹری منتخب کیا گیا۔

تقریب سے خطاب کرتے ہوئے شاہد خاقان عباسی نے کہا کہ مسلم لیگ ن کے ساتھ ان کا کوئی ذاتی اختلاف نہیں ہے، لیکن ن لیگ نے "ووٹ کو عزت دو” کی سیاست چھوڑ کر اقتدار کی سیاست کو اپنایا، جس پر انہوں نے معذرت کر لی۔

مزید پڑھیں: جنرل باجوہ کے اعترافات نے موجودہ حکومت کی قانونی حیثیت پر سوال اٹھا دیا ہے، فواد چوہدری

پارٹی کے سیکرٹری مفتاح اسماعیل نے کہا کہ یہ شکاری اور شکار کا نظام اب نہیں چل سکتا، اس نظام کو بدلنا ہوگا۔ یہاں پچاس ہزار تنخواہ پر بھی ٹیکس مانگا جاتا ہے، لیکن دو ہزار ایکڑ اراضی ہو تو کوئی بات نہیں۔