حکومت سے کیسے بات ہوگی؟عمر ایوب کا بیان

?️ 29 جولائی 2024

سچ خبریں: قومی اسمبلی میں اپوزیشن لیڈر عمر ایوب خان نے کہا ہے کہ تحریکِ تحفظ آئین پاکستان کے پلیٹ فارم سے 6 پارٹیوں کا اتحاد ہے۔

انہوں نے واضح کیا کہ حکومت سے جو بھی مذاکرات ہوں گے، وہ تحریکِ تحفظ آئین پاکستان کے پلیٹ فارم سے ہی ہوں گے۔

یہ بھی پڑھیں: پی ٹی آئی مذاکرات کیلئے عدالتی تحفظ کی خواہاں، حکومت کا عدم اعتماد

میڈیا سے گفتگو کے دوران عمر ایوب نے کہا کہ بانی پی ٹی آئی کا مطالبہ ہے کہ جوڈیشل کمپلیکس اور دیگر مقامات کی سی سی ٹی وی ویڈیوز منظرِ عام پر لائی جائیں۔

عمر ایوب کا کہنا تھا کہ فائروال ہمارے لیے بنائی جا رہی ہے، لیکن یہ ان کے خلاف ہی استعمال ہوگی۔

مزید پڑھیں: بلوچستان: پشین میں اپوزیشن اتحاد کا جلسہ، تحریک تحفظ آئین پاکستان کا اعلان

انہوں نے مزید کہا کہ ہمارے خلاف تمام مقدمات جعلی ہیں اور ان میں کوئی صداقت نہیں ہے، حکومت 9 مئی کے مقدمات میں ہمیں سزائیں دلوانا چاہتی ہے۔