احساس پروگرام کی کامیابی کی وجہ شفافیت ہے: وزیر اعظم

?️ 24 مئی 2021

اسلام آباد(سچ خبریں)وزیراعظم عمران خان نے کہا کہ احسا س پروگرام کی کامیابی کی وجہ شفافیت ہے، احساس پروگرام کے ذریعے شفافیت، میرٹ پر مستحقین کو رقم فراہم کی، لاک ڈاؤن سے دیہاڑی دار اور مزدور طبقہ زیادہ متاثر ہوا، کمزور طبقے کو نظرانداز کرنیوالا ملک ترقی نہیں کرسکتا۔

تفصیلات کے مطابق اسلام آباد میں افتتاحی تقریب سے خطاب کرتے ہوئے وزیراعظم نے کہا کہ احساس پروگرام تیزی سے نہ چلاتے تو کمزور طبقے کو مزید نقصان ہوتا، کمزور طبقے کو نظرانداز کرنیوالا ملک ترقی نہیں کرسکتا۔

انہوں نے کہا کہ احساس  پروگرام  کی کامیابی کی وجہ  شفافیت ہے ،  ہماری 25 فیصدآبادی غربت کی لکیرسےنیچےہے، خواتین کوفنانشل سسٹم میں لانے سے غربت تیزی سے کم ہوتی ہے احساس پروگرام تیزی سے نہ  چلاتے تو کمزور طبقے کو  مزید نقصان ہوتا۔

احساس سیونگ والٹس کفالت گھرانوں کے لئے معاشی نقصانات سے بچاؤ ، ہنگامی ضروریات کو پورا کرنے اور اپنی آمدنی میں اضافہ کرنے کے لئے سرمایہ کاری کے مواقع فراہم کرے گا۔اس پروگرام کا مقصد بچت کی حوصلہ افزائی کرنا ہے جس سے غربت کے خاتمے میں مدد ملے گی۔

نیا متعارف کرایا ہوا بچت اکاؤنٹ ’One Woman one Bank Account Policy‘ کے تحت شروع کردہ مالی شمولیت کو مزید فروغ دے گا۔70 لاکھ گھرانوں کی مالی اور ڈیجیٹل شمولیت احساس پروگرام کے اہم مقاصد میں سے ایک ہے۔احساس سیونگ والیٹس کے ذریعے پسماندہ طبقے سے تعلق رکھنے والی خواتین سود سے پاک قرضوں سے بھرپور فائدہ اٹھا سکیں گی ۔