پاک بحریہ کا ایک اور شاندار کارنامہ

?️ 4 جولائی 2024

سچ خبریں: پاک بحریہ نے زمین سے فضا میں مار کرنے والے ایف این 6 میزائلز کا کامیاب تجربہ کر لیا ہے۔

پاک فوج کے شعبہ تعلقات عامہ (آئی ایس پی آر) کے جاری کردہ بیان کے مطابق، پاک بحریہ کے گراؤنڈ بیسڈ ایئر ڈیفنس سسٹم نے ایف این 6 میزائلز کی فائرنگ کا کامیاب مظاہرہ کیا۔ اس تقریب کے مہمان خصوصی کمانڈر کوسٹ، وائس ایڈمرل راجا رب نواز تھے۔

یہ بھی پڑھیں: کراچی: پاک بحریہ کی پہلی سی گارڈ مشق کا انعقاد

آئی ایس پی آر نے مزید بتایا کہ لائیو ویپن فائرنگ کے دوران پاک بحریہ کے گراؤنڈ بیسڈ ایئر ڈیفنس سسٹم نے ہوائی اہداف کو کامیابی سے نشانہ بنایا۔ اس موقع پر کمانڈر کوسٹ نے پاک بحریہ کے گراؤنڈ بیسڈ ایئر ڈیفنس سسٹم کی آپریشنل تیاری پر مکمل اطمینان کا اظہار کیا۔

مزید پڑھیں: پاک بحریہ اور پاک فوج کا گوادر کے بارش سے متاثرہ علاقوں میں ریلیف آپریشن جاری

آئی ایس پی آر کے مطابق، پاک بحریہ دشمن کی کسی بھی مہم جوئی کا جواب دینے کی بھرپور صلاحیت رکھتی ہے۔