یونیورسٹی سے نکالے جانے والے طلباء نے رات بھر احتجاج کیا

?️ 29 نومبر 2021

اسلام آباد(سچ خبریں) بتایا گیا ہےکہ پنجاب یونیورسٹی ہوسٹلوں میں غیر قانونی طور پر مقیم نکالے جانے والے طلباء نے گزشتہ رات بھی وائس چانسلر پنجاب یونیورسٹی کے دفتر کے باہر گزاری جو ان طلباء کی جانب سے گزاری جانے والی چھٹی رات تھی، احتجاجی طلباء نے ہوسٹلوں میں کمروں کی الاٹمنٹ کے ساتھ ساتھ پنجاب یونیورسٹی انتظامیہ کو مزید 7 مطالبات پیش کر دئیے ہیں۔

جبکہ گزشتہ ایک ہفتے کے دوران انتظامیہ اور طلباء کے درمیان دو مرتبہمذاکرات ناکام ہونے کے بعد مزید مذاکرات نہیں ہوسکے۔ واضح رہے کہ پنجاب یونیورسٹی انتظامیہ نے ہوسٹلز الاٹمنٹ پالیسی کے تحت یونیورسٹی کے ہوسٹلوں میں غیر قانونی طور پر مقیم 71 طلباء کو کمروں سے نکال دیا تھا جن میں طلباء کے مہمان بھی شامل تھے۔

ادہر پنجاب حکومت نے وسیلہ تعلیم پروگرام میں توسیع کی منظوری دے دی، وظائف صرف سرکاری سکولوں میں زیر تعلیم طلبا و طالبات کو ملیں گے۔ طالبات کو تین ہزار جبکہ طلبا کو 2500 روپے کا وظیفہ ملے گا۔ پنجاب حکومت نے وسیلہ تعلیم پروگرام کی توسیع کی منظوری دیتے ہوئے محکمہ سکول ایجوکیشن پنجاب کو بی آئی ایس پی کے ساتھ معاہدے کی اجازت دے دی ہے۔فیصل آباد سمیت پنجاب بھر میں وسیلہ تعلیم پروگرام کے تحت بچوں کو وظیفہ دیا جائے گا۔ سرکاری سکولوں میں چھٹی سے دسویں جماعت کے طلبا و طالبات کو وظیفہ ملے گا۔محکمہ سکول ایجوکیشن حکام کے مطابق وظائف صرف سرکاری سکولوں میں زیر تعلیم طلبا و طالبات کو ملیں گے۔